Editpress
Editpress Luxembourg ass e lëtzebuergescht Verlagshaus mat Dréckerei zu Esch-Uelzecht., dat 1981 aus der, den 3. Dezember 1927 gegrënntener, Luxemburger Genossenschaftsdruckerei (Imprimerie Coopérative) entstanen ass.
| Editpress | |
|---|---|
 | |
| Typ | Aktiegesellschaft |
| Grënnungsdatum | 1913 |
| Sëtz | Esch Uelzecht |
| Besëtzer | OGBL, Fédération nationale des cheminots, travailleurs du transport, fonctionnaires et employés luxembourgeois |
| Generaldirekter | Jacques Eischen |
| Mataarbechter | 381 |
| Produit | Tageblatt, Le Quotidien, Revue, L'essentiel |
| Homepage | editpress.lu |
 | |
D'Editpress gëtt zwou Dageszeitungen eraus, d'Tageblatt an de Quotidien (dësen an Joint Venture mam Républicain Lorrain). Den 10. Oktober 2007 koum L'essentiel dobäi, eng gratis verdeelt Dageszeitung (an Zesummenaarbecht mat der Schwäizer Tamedia).
Weiderhi publizéiert Editpress d'Wochenzäitschrëft Revue.
Bis 2015 huet Editpress d'Lux-Post, e gratist Annoncëblat (zesumme mam belsche Groupe Rossel) erausbruecht, a bis 2019 och d'Wochenzeitung Le Jeudi. Ausserdeem war Editpress bis Enn 2019 um Radiosender Eldoradio bedeelegt.[1]
E groussen Deel vum Kapital vun der Editpress gehéiert de Gewerkschaften OGB-L a Landesverband.
Am Juni 2020 huet Editpress säi Gebai an der Escher Kanalstrooss, wou ë. a. d'Tageblatt seng Redaktioun dran huet, enger belscher Immobiliegrupp verkaaft. D'Fassad vum 1936-38 gebaute Gebai, mat engem Héichrelief vum Albert Kratzenberg, souwéi Deeler bannenan, solle beim Ëmbau a Wunnegen a Geschäftsraim erhale bleiwen. Den neie Sëtz ass am Belval Plaza.[2]
Generaldirekteren
änneren- 1977 bis 2011: Alvin Sold
- 2011 Abrëll 2018: Danièle Fonck
- 2018 - 2021: Jean-Louis Siweck
- Säit 2021: Jacques Eischen
Zuelen
änneren2018 huet Editpress hire Bilan mat enger Perte vun 1,12 Milliounen Euro ofgeschloss. De Grupp konnt dat Joer seng Scholden, déi sech an de Jore virdrun ugeheeft haten, ëm ronn zwou Milliounen Euro op alles an allem 15,8 Millioune reduzéieren.[3]
Literatur
änneren- Bernard Thomas: "Groupe Editpress - La Chute de la maison Sold." in: d'Lëtzebuerger Land Nr.25, 21. Juni 2019, S.10.
Referenzen
änneren- ↑ "CLT-Ufa übernimmt Eldoradio zu 100 Prozent." op wort.lu, 25.11.2019.
- ↑ bt: "Le Tageblatt quitte Esch.". d'Lëtzebuerger Land Nr.34, 21. August 2020, S.4.
- ↑ "Rout Zuele fir Editpress." 100komma7.lu, 20. Aug 2019 - 11:00.