Charles Sowa

De Charles Sowa, gebuer de 15. Abrëll 1933 zu Schëffleng, an och do gestuerwen de 7. Juli 2013, war e lëtzebuergesche Sportler, spezialiséiert am athleetesche Goen.

Charles Sowa
D'Lëtzebuerger Liichtathleeten 1960 um Wee op Roum, vu l. no r.: Ramon Humbert, Norbert Haupert, Jean Aniset, Félix Heintz, Boy Bofferding, Lucien Faber a Charles Sowa
Gebuer	15. Abrëll 1933 Schëffleng
Gestuerwen	7. Juli 2013 Schëffleng
Nationalitéit	Lëtzebuerg
Aktivitéit	Liichtathleet
Kompetitiounsklass	Goen
Huet matgemaach bei	Olympesch Summerspiller 1960, Olympesch Summerspiller 1968, Olympesch Summerspiller 1972
Famill
Kanner	Marco Sowa

Hien ass de Papp vum Marco Sowa deen och am athleetesche Goen un enger Olympiad (1988) deelgeholl huet.

Resultater am Sport

Hien huet véiermol un den olympesche Summerspiller deelgeholl, all Kéier op der Distanz vun 20 a 50 km:

• Roum (1960)
• Tokyo (1964)
• Mexiko (1968)
• München (1972)

Op der laanger Distanz huet en zweemol säi bescht Resultat zustan bruecht. 1964 zu Tokyo ass e vu 34 Athleeten den néngte ginn an 1972 zu München war hien den zéngte vu 36 Athleeten, obwuel en du schonn 39 Joer al an duerch eng Bronchite geschwächt war.

Hien ass an där Zäitspan och bei den Europameeschterschafte véiermol un den Depart gaangen, zu Athen ass en dobäi 1969 de siwente ginn.

Véiermol, an de Joren 1964, 1967, 1971 an 1972, ass hien zum lëtzebuergesche Sportler vum Joer gewielt ginn.

Aktivitéite fir de Sport

Ënner der Presidentschaft vum Norbert Haupert vun 1973 bis 1979 war de Charles Sowa Sportdirekter vum Liichtathleetikverband, spéider ënner dem Mil Jung huet en Initiativen ergraff fir d'Liichtathleetik bei de Fraen ze fërderen.

Vun 1988 bis 1994 war hie President vun der Escher Fola.

Quellen

• Luxemburger Wort vum 10. Juli 2013, S. 46: Durch und durch ein Kämpfer

Kuckt och

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer

Um Spaweck

• Resultater vum Charles Sowa op der Säit vun der Association luxembourgeoise des Olympiens
• Resultater vum Charles Sowa bei den Olympesche Summerspiller

Referenzen

Virdrun	Sportler vum Joer	Duerno
Norbert Haupert	1964	René Kilburg
René Kilburg	1967	Louis Pilot
Nicolas Koob	1971 an 1972	Robert Schiel