Mobby 12

Moien

Moie Mobby 12, wëllkomm op der Wikipedia op Lëtzebuergesch! Villmools Merci fir Äert Intressi un der Wikipedia! Mir schaffen hei zesummen dorun, eng fräi zougänglech, gratis, neutral a méiglechst ausféierlech Enzyklopedie a Lëtzebuerger Sprooch op d'Been ze setzen. All Mataarbecht ass wëllkomm, déi dëst Zil méi no bréngt: sief dat, en Tippfeeler ze verbesseren, eng Informatioun dobäizesetzen oder z'aktualiséieren, oder carrement en neien Artikel ze schreiwen! Fir datt d'Artikelen e Minimum un Eenheetlechkeet hunn, an och, fir Krittären ze hunn, wat heihi gehéiert a wat net, hu mer eis eng Rëtsch Reegelen oder Konventioune ginn. Wann Dir hei ganz nei sidd, huelt Iech wgl. een Ament Zäit, fir hei drënner ze liesen, wéi een déi éischt Schrëtt mécht. Loosst Iech awer net doduerch ofschrecken: et ass manner komplizéiert, wéi et op den éischte Bléck ausgesäit! Aner Mataarbechter paken och am Ufank gär eng Hand mat un, wat Formatéierungen oder Zweiwele mat der Orthographie ubelaangt. Et gëtt keen hei gestengegt, wann e sech iert ;-) Déi wichtegst "Reegel" ass: "Sief kéng!" Éischt Schrëtt An e puer Schrëtt léieren, wéi een en Artikel uleet oder ännert. Sandkaul Fir mam Layout z'experimentéieren, ouni "richteg" Säiten op d'Kopp ze geheien. Reegelen a Konventiounen Rotschléi fir dëst an dat. Staminee Fir Froen oder Commentairen iwwer d'Wikipedia. Wat Wikipedia net ass Dacks gemaacht Feeler oder Mëssverständnesser. Dacks gestallt Froen (FAQ) Äntwerten op déi heefegst Froen. Wéi ee Lëtzebuergesch schreift Eis Schreifweis einfach an an e puer Punkten erkläert. Dës Säit ass Är perséinlech Diskussiounssäit. All Mataarbechter huet sou eng, an et ass d'Plaz, fir Messagë vun anere Mataarbechter ze kréien, resp. ze hannerloossen. Wëllt Dir engem anere Mataarbechter schreiwen, maacht dat op senger Diskussiounssäit, an ënnerschreift mat 4 Tilden (sou: ~~~~) oder klickt op e Knäppche wéi deen hei: . Ofgeschéckt gëtt da mam Klicken op "Säit späicheren". Vill Spaass, an op eng gutt Zesummenaarbecht!

Zinneke (Diskussioun) 16:47, 1. Feb. 2024 (UTC)

Moien, Just eng kleng Informatioun : D'Benotzersäite si privat Säite vum Benotzer an doru soll keen ännere goen, och net wa Feeler dra stinn. --Les Meloures (Diskussioun) 10:32, 3. Feb. 2024 (UTC)

Merci, fir d'Info Mobby 12 (Diskussioun) 10:41, 3. Feb. 2024 (UTC)

D'Streck vu Bouneweg bis op d'Cloche d'or soll am Juni 2024 opgoen.

Keng vun deenen 2 Referenzen déi do opgefouert sinn, beleet dat eendeiteg. Gëtt et nach eng aner Referenz déi dat beleet.

De Mount Juni gëtt bei äre Verbesserungen an deem Zesummhank an e puer Artikelen iwwer den Tram genannt.

Wouhier kënnt déi prezis Informatioun iwwer de Mount Juni? --2A02:A03F:A199:6C00:312A:3320:7C04:1E56 11:37, 15. Feb. 2024 (UTC)

Moien, op RTL.lu gouf oder gëtt et e Video, wou gesot gëtt, datt am Mee 2024 Testfaarte solle begannen an am Juni 2024 d'Streck offiziell opgemaach soll ginn. Mobby 12 (Diskussioun) 15:02, 15. Feb. 2024 (UTC)

Remoien, ass dee Video dann net erëmzefannen.? Ech hunn der e puer fonnt awer do ass iwwerall vu Mëtt vum Joer rieds. Ob domat lo de Juni gemengt ass hunn ech néirens erausfonnt. --2A02:A03F:A199:6C00:312A:3320:7C04:1E56 16:31, 15. Feb. 2024 (UTC)

Hei ass den Artikel, deen de Mobby 12 warschwinlech mengt, mam Videoreportage, wou vu Juni 24 rieds geet: https://www.rtl.lu/mobiliteit/news/a/2169115.html. Zinneke (Diskussioun) 17:50, 15. Feb. 2024 (UTC)

Effektiv kann een net iergend eng Fouissnout erasetzen, wann an där net beluecht ass, wat een dohischreift. A fréiere Publikatiounen war de geneeën Datum (also op d'mannst de Mount) nach net bekannt. Wann den Dag bis gewisst ass, muss natierlech och dofir eng nei Referenz dobäigesat ginn, an déi al erausgeholl. Zinneke (Diskussioun) 18:02, 15. Feb. 2024 (UTC)

Biller an de Këschten

Moien,

Wann ee Biller an de Këschten ewechmécht well se automatescht importéiert ginn, da soll een och wann ech gelifft op de Wikidata, d'Legend vum Bild déi derbei stoung, asetzen. Soss produzéiert een en Informatiounsveloscht, an dat ass net gutt. --Les Meloures (Diskussioun) 18:28, 16. Feb. 2024 (UTC)

Moien, dat ass mir elo gerad opgefall, datt ech dat vergiess hunn… Mobby 12 (Diskussioun) 18:40, 16. Feb. 2024 (UTC)

Wikiiessen

Gudde Moien, Du bass en aktive Wikipedianer a mir invitéieren dech gären op eist Wikiiessen e Samschden, 2. Mäerz 2024 zu Leideleng an duerno um 15:00 op d'AG vu Wikimedia Lëtzebuerg ASBL. Et wier eng flott Geleeënheet fir eis kennen ze léieren. Weider Detailer um Staminee. Sultan Edijingo (Diskussioun) 09:28, 23. Feb. 2024 (UTC)

Gudden Owend, leider hunn ech an dësem Joer keng Zäit ze kommen; sief datt et d'Iessen oder och d'Versammlung um 15:00 Auer ass. Mobby 12 (Diskussioun) 18:51, 26. Feb. 2024 (UTC)

Kee Problem, du kanns jo awer gären op der Communautéitssäit d'Aktivitéite vun der ASBL verfollegen. D'lbwiki feiert dëst Joer seng 20 Joer. --Sultan Edijingo (Diskussioun) 09:25, 28. Feb. 2024 (UTC)

Orthographie

Moie Mobby 12,

Mir halen ons net un alles wat den LOD seet. Dat huet verschidden Ursaachen, déi fréier diskutéiert goufen. --Les Meloures (Diskussioun) 09:44, 16. Mäe. 2024 (UTC)

Ok, wann nachmol esou eppes ass, froen ech besser no. Mobby 12 (Diskussioun) 10:10, 16. Mäe. 2024 (UTC)

Moien,

Wann eppes orthographesch richteg do steet, da loosst et wgl. sou stoen. --2A02:A03F:A199:6C00:88DC:ABEB:F9C8:8C0B 13:59, 20. Mäe. 2024 (UTC)

Moien, looss wgl. déi manuell Koordinaten an de Këschte stoen, déi gi méi propper ugewisen. --Les Meloures (Diskussioun) 19:14, 25. Mäe. 2024 (UTC)

Sënneren

Moien, beim Sënnere gi keng diakritesch Zeeche gebraucht, well déi alles un de Wupp vun der Rei setzen. Firwat gitt der net einfach kucken op dat an der Kategorie op der richteger Plaz steet oder net, ier der Zortéierunge verbessert? --Les Meloures (Diskussioun) 12:20, 20. Abr. 2024 (UTC)

Dat hat ech tatsächlech vergiess. Elo weess ech et fir déi nächst Kéier(en). Mobby 12 (Diskussioun) 12:26, 20. Abr. 2024 (UTC)

Biller wiesselen

Moien, wann ee Biller wiesselt da misst een vläicht och d'Legenden upassen. -- 2A02:A03F:A199:6C00:4C77:EC13:90E1:2F56 07:23, 4. Jul. 2024 (UTC)

Infobox Buslinn

Moie Mobby,

De Sënn vu mengen Ännerunge vum Faarwecode war, fir datt se iwwereneestëmmen mat de Coden, déi am Nummeresschema op der Säit Régime général des transports routiers erkläert sinn. Also 0BA6BF fir eng Expresslinn, EF3744 fir eng primär Regionallinn, asw.

GilPe (Diskussioun) 14:04, 19. Aug. 2024 (UTC)

Moie GilPe,

ok dat wousst ech net. Hat mech nëmme gewonnert, well d'Faarwe vun de Buslinnen esou am RGTR-Plang stinn. Wéi géift dir et da maachen; Esou wéi s'am RGTR-Plang erkläert sinn oder sou wéi d'Faarwe vun de Buslinnen am Plang benotzt ginn. Mobby 12 (Diskussioun) 15:43, 19. Aug. 2024 (UTC)

Ah okee, se hunn hire Prinzip vun 2020 g'ännert, dat war mer effektiv net benotzt… D'primär Linnen (lignes principales), déi sengerzäit eng Ziffer „1“ op der zweeter Positioun haten, ginn elo just nach mat der rouder Faarf bezeechent. Dann ass et och besser fir d'Faarwe ze huelen, wéi se um Plang gezeechent sinn. Merci! GilPe (Diskussioun) 16:13, 19. Aug. 2024 (UTC)

Ok, da maache mir dat esou. Mobby 12 (Diskussioun) 17:17, 19. Aug. 2024 (UTC)

Portraiten

Moie Mobby,

e Wuert Explikatioun, firwat ech deng 'Plënneraktioun' vun e puer Portraiten an "Op engem ..."-Schablounen vu lénks no riets nees réckgängeg gemaach hunn: Effektiv stinn, jee no Browser, d'Bullet-Punkten liicht an der Foto, wann dës riets ass, an déi meescht Schablounen hunn d'Bild op der lénker Säit. Bei e puer Biller kuckt d'Persoun awer no riets. Wann d'Bild um rietse Bord vun der Këscht wier, géif se 'aus der Säit eraus' kucken. Well dat net gutt ausgesäit, gëtt beim Layout dono gekuckt, dass ëmmer 'an d'Säit eran' gekuckt gëtt. Well et vun e puer Leit keng esou eng Foto gëtt, a fir dass se, wéinstens 'an den Text' kucken, amplaz 'aus der säit eraus', steet d'Bild ausnaamsweis lénks amplaz riets...

Bescht Gréiss, Zinneke (Diskussioun) 14:58, 12. Nov. 2024 (UTC)

Moien Zinneke,

merci fir är Erkläerung. Als dir d'Ännerunge réckgängeg gemaach hat, hat ech mech och gefrot wéisou dir se réckgängeg gemaach hat, do d'Schabloun dunn och net esou gutt ausgesäit. Duerno hat ech mir awer geduecht, datt et vläit si kéint, datt d'Persounen soss an d'“Näischt“ kucke géifen. Mee elo krut ech jo d'Erkläerung vun iech. Merci dofir.

Bescht Gréiss zeréck, Mobby 12 (Diskussioun) 16:30, 12. Nov. 2024 (UTC)

Infobox-Parameteren ewechhuelen

Moien,
grondsätzlech ass et kee Feeler Infobox-Parameteren ze läschen, wann d'Donnéeën och automatesch vu Wikidata agebonne kënne ginn, wou se jo dacks méi aktuell sinn. Mee et muss een oppassen, datt herno net manner an der Infobox steet wéi virdrun. Dat ka méi Ursaachen hunn:

1. D'Schabloun léisst et net zou ee bestëmmte Parameter vu Wikidata anzebannen.
2. D'Schabloun kann de Parameter vu Wikidata abannen, mee déi entspriechend Wikidata-Eegenschaft existéiert (nach) net fir dat jeeweilegt Element.
3. D'Schabloun kann de Parameter vu Wikidata abannen an déi entspriechend Wikidata-Eegenschaft existéiert och fir dat jeeweilegt Element, mee de Wäert huet nach keng Etikett op Lëtzebuergesch.

Eng Léisung, déi ëmmer fonktionéiert ass, de Parameter einfach manuell an der Schabloun ze definéieren (resp. en net ze läschen, wann e scho manuell definéiert ass). Bei 3. kann een natierlech och de Wäert op Lëtzebuergesch iwwersetzen a bei 2. d'Eegenschaft bei dat jeeweilegt Element derbäisetzen (an eventuell de Wäert vun der Eegenschaft op Lëtzebuergesch iwwersetzen, wann en dat nach net ass).

Z. B. bei där heiten Ännerung am Artikel Apple Inc. sinn nom Läschen zwar d'Parameteren

Grënnungsdatum, Grënner, Besëtzer, Mataarbechter, Ëmsaz, Branche an Homepage

iwwreg bliwwen, mee d'Parameteren

Typ, Sëtz a Produit

si verschwonnen a beim Parameter Generaldirekter ass den Arthur D. Levinson (Chairman) verluer gaangen.

Wourunner loung et hei?

Typ

D'Eegenschaft ass Rechtsform (P1454) (kann een am Quelltext vun der Schabloun:Infobox Entreprise noliesen) an d'Wäerter dovunner am Element Apple Inc. (Q312) sinn Corporation (Q57655560) an börsennotiertes Unternehmen (Q891723). Déi hunn allebéid keng Etikett op Lëtzebuergesch (Fall 3). Well ech keng Anung vun Entrepriserechtsformen hunn, kann ech se net mat guddem Gewëssen iwwersetzen, also hunn ech einfach | Typ = Kapitalgesellschaft rëm an d'Infobox am Artikel agesat.

Sëtz

D'Eegenschaft ass Verwaltungssëtz (P159) an de prioritäre Wäert dofir ass Cupertino (Q189471), wat och keng Etikett op Lëtzebuergesch huet (Fall 3). Hei ass et awer einfach: Eng Stad heescht, wéi se heescht, also hunn ech hiren Numm och op Lëtzebuergesch gesat a lo taucht se am Artikel an der Infobox op.

Produit

Dee Parameter kann net vu Wikidata agebonne ginn, dee muss also an der Infobox am Artikel stoe bleiwen (Fall 1). Ech hunn also | Produit = Hardware, Software erëm derbäigesat (bei där Geléigenheet hunn ech direkt nach Wikilinken draus gemaach).

Generaldirekter

D'Eegenschaft ass Generaldirekter (P169) an de prioritäre Wäert ass Tim Cook (Q265852). Mir kruten awer nach de Steve Jobs ugewisen, well op Wikidata den Tim Cook nach keen Numm op Lëtzebuergesch hat (ech hunn e mol „Tim Cook“ gedeeft a lo kréie mer e richteg ugewisen). Den Arthur D. Levinson als Chairman feelt eis dann zwar nach, mee dat ass eigentlech och richteg: Dee Mann ass jo net Generaldirekter, mee President. D'Eegenschaft President (P488) misst d'Infobox-Schabloun eigentlech och op Wikidata siche goen an do steet de Wäert Arthur D. Levinson (Q709063) och, mee alt rëm net op Lëtzebuergesch (ech hunn dem Mann den Numm „Arthur D. Levinson“ ginn, a scho kréie mer och ee President ugewisen!).

Fazit: Beim Infobox-Parameter-Läsche muss een ee klenge Vorher-Nachher-Verglach maachen, fir ze kucken, ob och keng Informatioun verluer gaangen ass, an am Zweifelsfall den urspréngleche Parameter an der Infobox stoe loossen (wann een net op Wikidata Forensik bedreiwe wëll). --Volvox (Diskussioun) 22:20, 24. Nov. 2024 (UTC)

Moie Volvox, äre Fazit stëmmt. Eigentlech hat ech dat och gemaach. Den Nodeel war, datt ech de Vorher-Nachteil-Verglach net esou genee gemaach hat, do d'Infobox a mengen Aen net geännert hat. War jo dann leider net de Fall. Bei all Ännerung an deem Beräich, wäert ech de Vorteil-Nachteil-Verglach méi genee kucken, a bäi geleeënheet och nach Nimm op Wikidata bäisetzten. P.S merci fir d'Erkläerungen.

Best Gréiss, Mobby 12 (Diskussioun) 11:49, 25. Nov. 2024 (UTC)

Nei Kommissioun

Moien,

a merci dass de d'VdLII-Kommissioun ugeluecht hues! Wann ech mer erlaben dierft: D'Reiefolleg ass net arbiträr, do ginn et protokolaresch Subtilitéiten (Alter, Anciennetéit, Titel, asw.) déi bestëmmen, wee wou steet. Kuck emol hei: [1] (oder op der en:Wiki) do sti se wéi se sollen. Da misst de se just op déi richteg Plaz kopéieren.

Och ginn et tëschenzäitlech nei, eenheetlech Fotoen (cf en:9, vläit wëlls de déi iwwerall asetzen?

Merci, a

Bescht Gréiss, -- Zinneke (Diskussioun) 18:07, 30. Nov. 2024 (UTC)

Moien Zinneke,

dat mat der Reiefolleg wousst ech net, elo verstinn ech och wéisou se op der englescher an op der franséischer Wikipedia esou stinn (wéi se jo dann och sollen). Domat wäert ech mech dann déi nächsten Deeg mol beschäftegen.

Deen eenzege Grond wéisou ech nach net déi eenheetlech Fotoe geholl hat, war datt se nach net alleguer lizenztechnesch iwwerpréift goufen. Do e puer schonn iwwerpréift goufen, kann ech mir virstellen, datt dat an deene nächsten Deeg nach gemaach gëtt. Déi Fotoen wäert ech dann och eriwwerhuelen.

Merci fir deng (ech erlabe mir och d'„Du Form“) Informatiounen.

Bescht Gréiss, Mobby 12 (Diskussioun) 21:20, 30. Nov. 2024 (UTC)