Haaptmenü opmaachen

Benotzer Diskussioun:Zinneke

Aktiv Diskussiounen

SenneÄnneren

Salut,

Hei hannendrun emol d'Koordinate vun de Plazen op déi ech schlecht kommen.

Et ass awer guer näischt wat presséiert. --Les Meloures (Diskussioun) 18:25, 6. Jun. 2012 (UTC)


Joël Baschera, Mulles DëppekappÄnneren

Moiën, ët deet mir leed mech nët un den Oflaf ze halen, mä ech sin nei hei a fannen nët wou ech Iech kann op Är Froën äntweren.

Ech bezéihe mech op den Artikel iwwer den Auteur Joël Baschera (Künstlernumm Mulles Dëppekapp). Ët gouf gefrot, wou a wéi hie séng Wierker veröffentlecht. De Joël Baschera bréngt séng Gedichter, vertounte Gedichter an Artikelen (meeschtens ennert séngem Künstlernumm Mulles Dëppekapp) zanter 2007 op sénger Säit "http://www.mulles.lu" eraus. Oft gin se da vu do weider verbreet als Artikel. Op der Säit gëtt och méi dozou opgelëscht. Zanter 2015 ass dës Säit verlinkt mam Grupp Spack-O-Mat, well hien séng Lidder mat sénger Grupp ënnert deem Numm erausbréngt an zur Zäit vill Succès domat huet. Et ass awer wichteg, dass een den Artist Mulles Dëppekapp a Spack-O-Mat nët an een Dëppe gehäit, well hien paralell dozou mat aanere Künstler an Club'ën schafft wéi zb. Pit Winandy "Cyber Piper", Sylvia Nels oder d'Chorale Municipale vu Schëffléng (déi iwwregens lo och Lidder aus séngem Repertoire an hire Programm opgeholl hun)

Am Autorelexikon ass hien nët vertrueden an och soss wéineg präsent, wat wierklech schued ass, ma awer dorop zeréckzeféieren ass, dass hien ganz sielen an de grousse Medien ze fannen ass. Et ass awer nët esou wéi wann hien onbekannt a séngem Milieu wier.

Ech perséinlech sin och e klenge Cousin vum J. Baschera a verfollegen séng Saache scho laang. Dofir hun ech och décidéiert, dës Säit ze erstellen. --Joel8225698 (Diskussioun) 15:42, 11. Dez. 2015 (UTC)

NokuckenÄnneren

Salut, am Wassily Kandinsky has de en Nokucken 2015 dragesat. Firwat war dat geduecht? Et huet sech alt vläicht schonn erledegt --Les Meloures (Diskussioun) 15:06, 25. Mäe. 2016 (UTC)

@User:Les Meloures: Salut, dat war, well do nach Biller agesat mussen/kënne ginn. Déi goufen dunn eréischt fräi. Ech sëtzze mech emol derhannert.
Flott merci, ech konnt mech net méi dorun erënneren. --Les Meloures (Diskussioun) 04:52, 26. Mäe. 2016 (UTC)

RequestÄnneren

Dear Mr Zinneke,

Could you help me translate this text into Lëtzebuergesch?:

"For God so loved the world that he gave his one and only Son, that whoever believes in him shall not perish but have eternal life."


I tried to search for a modern Lëtzebuergesch translation of the Bible but was unable to find one, hence my request. --DaveZ123 (Diskussioun) 23:07, 27. Sep. 2016 (UTC)

Mëtteg Zinneke,
Den --DaveZ123 hat mech datselwecht gefrot; ech hunn him och mëttlerweil geäntwert:
Well Gott hat d’ Mënsche sou gär, datt hie säin eenzege Jong fir si hierginn huet. Jiddereen deen un hie gleeft, wäert net zegrond goen, mee en éiwegt Liewen hunn.

--GilPe (Diskussioun) 12:40, 28. Sep. 2016 (UTC)

Merci. Ech hat em op senger Disk-Säit g'äntwert... --Zinneke (Diskussioun) 12:54, 28. Sep. 2016 (UTC)
Moien och, et freet ee sech just wat deen op de Wiki mecht. Anscheinend nëmmen Diskussiounen, souwäit wéi ech gesinn hunn. --Les Meloures (Diskussioun) 13:01, 28. Sep. 2016 (UTC)


Enumeration grammarÄnneren

Gudden Owend, excuse me for troubling. I always wrote the preposition "an" before each enumeration object (like here: "an Holland, an der Belsch, zu Lëtzebuerg, an Däitschland, a Frankräich..."). It turned out that it might be wrong. Could you kindly clarify how to write it grammatically correct? Thank you in advance. --Wolverène (Diskussioun) 18:44, 7. Aug. 2017 (UTC)

@Wolverène: Gudden Owend, what you wrote is perfectly correct. Someone took away a few repetitive 'an's for stylistic reasons in the ase you pointed out. It's the same as in English: you can say "in thunder, in lightning or in rain" or "in thunder, lightning, or in rain". Best regards, --Zinneke (Diskussioun) 20:30, 7. Aug. 2017 (UTC)

Thanks. --Wolverène (Diskussioun) 20:59, 7. Aug. 2017 (UTC)

Year pagesÄnneren

Since you have deleted similar pages in the recent past, please take note of Spezial:Kontributiounen/2600:387:A:5:0:0:0:77. - dcljr (Diskussioun) 04:54, 14. Aug. 2017 (UTC)

Kategorie:LäschenÄnneren

Hello Zinneke. Until we reached 50K articles - could you please clean out the deletion category? At least only redirects with typos (while they bear {{Delete}} they count as articles by the system). Then we can delay the early "onset" of the 50000th article. :) Thanks, --Wolverène (Diskussioun) 18:55, 10. Sep. 2017 (UTC)

VerbesserungÄnneren

Moie Soued an Zinneke, Ech halen drop, iech fir är Korrekture Merci ze soen. Ech hunn eréischt virun annerhallef Joer ugefangen, Lëtzebuergesch ze schreiwen. No engem zéien Ufank, mat ëmmer méi grousser Freed, haut wëll ech et net méi mëssen. Ech hunn déi lescht Wochen erausfonnt, dass Wikipedia eng flott Plattform ass, fir mol een Text schnell erauszegi mat engem schnellen a gratisse Lektorat. Fir mech ass dat ee Léierprozess, dee Spaass mécht an dat huet vill mat ärem Asaz an ärer Toleranz ze dinn.

Ech erwësche mech selwer heiansdo an enger puristescher Haltung, wann ech feststellen, dass ee mir de Polizeiroman net duerchgoe léist, well ech mengen, dass Policeroman och net lëtzebuergesch ass a mir eis däitsch Wuerzelen net solle verleegnen. Wann ech mir dat dann e bësschen iwwerluecht hunn, da fannen ech de Virschlag awer net sou schlecht, virun allem, wann ech gläichzäiteg déi ganz Technik den Artikel ze réckele mat geliwwert kréien. Wichteg ass, dass den Auteur net eleng un sech denkt, mee un säi Lieser. Wann den Text deem net liicht iwwert d'Zong geet – dat ass elo net dat richtegt Bild, mee et fällt mir just näischt besseres an, dann ass en net vill wäert. Wann dir averstane sidd, dann hale mir et an dem Sënn. Salut Kejser Ping (Diskussioun) 14:07, 11. Sep. 2017 (UTC)

Moien, ma dat ass gär geschitt.Wéi gesot, et gehéiert op der Wiki dozou, sou laang un Artikele ronderëmzekoschteren, bis jidderee fënnt, den Optimum wier erreecht (bei villen Artikelen ass dat nach Wonschdenken, mee all Dag kommen Ännerungen an Neierunge bäi).
Zum spezifesche Fall vun däitsch-franséischen Doubletten, a wat fir eng 'méi' richteg ass: Well et keng Sproochakademie gëtt, ass et schlussendlech eng Fro vu perséinlechem Sproochgefill, ob een éischter déi eng oder déi aner, oder, wat besonnesch am Lëtzebuergeschen ass, je no lexikaleschem Ëmfeld déi eng oder déi aner beontzzt, oder ob et, wat och bei fille Wierder de Fall ass, déi zwéin kënne sinn. An Zweifelsfäll - oder bei Meenugsverschiddenheeten tëschent zwéi Mataarbechter doriwwer - kann een allzäit d'Fro op der Säit Wikipedia:Wéi heescht dat op Lëtzebuergesch? stellen, fir datt jidderee matschwätze kann, an esou (hoffentlech) e Konsens fonnt ka ginn. Bescht Gréiss, --Zinneke (Diskussioun) 09:42, 14. Sep. 2017 (UTC)


NidderlandenÄnneren

An der Diskussioun:Vereenegt Kinnekräich vun den Nidderlanden behaapt een Dir hätt Feeler am Artikel geschtriwwen. --109.132.75.99 20:01, 5. Jun. 2018 (UTC)

Léiwen Här Zinneke,

Är Interventioune si generell moderéiert a gutt oder richteg, an dofir wennen ech mech un Iech. Mee verschidde Leit ënner de lb.Wikipedianer behuelen sech systematesch donieft. Net nëmmen, datt se net waarden, ier se engem d'Aarbecht versch..., mee och am Toun (besserwisseresch, agressiv, domm...). De Les Meloures ass bei ville Leit schonn negativ opgefall. An dann de "klenge Jean-Jacques", deen net allzevill Ahnung huet, vun deem wou en dru geet. Beispill: d'Säit "Vereenegt Kinnekräich vun den Nidderlanden". Do ass ongeféier alles falsch, wat nëmme falsch ka sinn! A wann ech verbessere ginn, da gëtt alles nees op den ale falsche Stand bruecht. Sou eng Wikipedia brauche mer net! Ech hoffen, Dir kënnt verschidde vun Äre Kollege calméieren. Merci am Viraus! Bescht Gréiss, Chris (= fräie Mataarbechter vun enger fräier Enzyklopedie).

@Chris: Moien, vill Konflikter entstinn aus Mëssverständnesser, dem Ignoréieren oder Net-Kenne vu Regelen oder Konventiounen, an heiansdo duerch en net-ugepassten Tounfall. Se kënne verhënnert ginn, andeems ee sech méiglechst kloer ausdréckt; probéiert, sech un d'Konventiounen/Reegelen ze halen, oder sech beméit,se gewuer ze ginn; an den Toufall op engem normale Konversatiounsniveau hält.

Wat d'"Direkt änneren" betrëfft, sou ass dat kee schlechte Wëlle vu Kengem, wann een am Gaang ass, eng Ännerung ze maachen, an dann den Text tëschnezäitlech vun egem anere g'ännert gëtt. Et gëtt keng technesch Méiglechkeet, ze gesinn, datt een aneren och um Text schafft. Dofir, an dat gouf schonn dacks monéiert, soll een {{EnCours}} an den Text setzen, ier ee gréisser Ännerunge schreift, an dat ewechmaachen, wann ee fäerdeg ass. Sou geet ee Versiounskonflikter aus dem Wee. --Zinneke (Diskussioun) 14:54, 6. Jun. 2018 (UTC)


InfoboxÄnneren

Salut, mengs de net et wier besser bei de Kinneken a Ministeren déi Infobox ze gebrauche déi do virgesinn ass. --Les Meloures (Diskussioun) 08:50, 14. Feb. 2019 (UTC)

Porte des SciencesÄnneren

Salut Zinneke,

Ech hu Méi fir deng Beschreiwung vum Laf vun der Strooss um Plang nozevollzéien. Ass de Kadasterplang ze al. --Les Meloures (Diskussioun) 14:47, 30. Aug. 2019 (UTC)

Salut, a merci dass de dech menger Grouss/Klengschreiwung ugeholl hues, ech war nach net dozou komm. De Verlaf vu der "Porte des Sciences" ass esou wéi ech en op der Stroossekaart um Geoportail.lu ugewise kritt hunn. Ob dat der Realitéit um Terrain entsprécht, misst un hand vun de Stroosseschëlter iwwerpréift ginn. Grad wéi och net kloer ass, bis wuer am Norden d'Porte de France dann elo geet. Allgemeng ass déi ganz Odonymie um Belval zimmlech speziell (z.B. 4 verschidden Nimm fir 200 m schnouerriicht Strooss, wéi bei der rue Le Bataclan/rue Louis Armstrong/rue Jane Addams/rue Gustave Eiffel. Dat muss ee fäerdeg brengen...).--Zinneke (Diskussioun) 21:20, 30. Aug. 2019 (UTC)

Den Honn hannenÄnneren

Ech sinn e bësselchen iwwerrascht iwwert Är Ännerung vun der Riedensaart "Um Honn hannen" zu "Den Honn hannen". Seet een dat wierklech esou? Ech hu bis elo just déi aner Form héieren. (Beispillsaz: "Heihinner veriert sech jo dach ni een, mir wunne jo um Honn hannen.") Gëtt et och riedensaartlech Kontexter wou een den Honn hanne seet? --Mëllerdippchen (Diskussioun) 14:32, 30. Okt. 2019 (UTC)

Moien, Ech kennen se an där Form, wat net heescht, datt et net och anerer gëtt, sou wéi déi, déi Dir uginn hutt, oder soss nach Varianten (eng Sich op Google gëtt Resultater mat ë.a. "dem" a "beim" Honn hannen...) --Zinneke (Diskussioun) 14:43, 30. Okt. 2019 (UTC)
Stemmt, ech hu lo och kuerz recherchéiert, dir hutt effektiv recht, et gëtt déi béit Formen. Wéi ech dat gesinn schéint "dem Honn hannen" awer éischter benotzt ze ginn am Sënn vun engem "engem de Bockel erofrutsche kennen" oder "een am Aarsch lecke kennen". Kann dat sinn? "Géi dem Honn hannen!" als Ausruff?
Ka sinn dass ech mech grad iere, wéi gesot hunn ech déi Form mat den/dem nach ni héieren.
--Mëllerdippchen (Diskussioun) 14:51, 30. Okt. 2019 (UTC)
Ech kennen den Ausdrock just am Sënn vun "dat ass/läit den Honn hannen", d.h. "wäit ewech vun allem", "an der Pampa." --Zinneke (Diskussioun) 16:40, 31. Okt. 2019 (UTC)
Moien,
Ech kennen nëmmen den Ausdrock „dem Honn hannen” (hie wunnt dem Honn hannen). Am WLM (Wörterbuch der Luxemburgischen Mundart) fënnt een: „géi dem Honn hannen”! (geh' zum Teufel!). GilPe (Diskussioun) 17:44, 30. Okt. 2019 (UTC)
Dem Honn hannen ass déi wäitem gelefegst Form. --Les Meloures (Diskussioun) 19:28, 30. Okt. 2019 (UTC)


Ok ass gutt, merci Iech zween, da weess ech elo Bescheed ;) Ech schreiwen d'Variant (um) dann a Klammere bäi a loossen déi méi geleefeg (dem) ouni Klammere stoen. --Mëllerdippchen (Diskussioun) 19:45, 30. Okt. 2019 (UTC)

The Signpost: 31 October 2019Änneren

ËnnerschrëftÄnneren

Salut: Ech menge mat der automatescher Ënnerschrëft an der Schabloun klappt eppes net. --Les Meloures (Diskussioun) 18:09, 7. Nov. 2019 (UTC)

SchluechtÄnneren

Salut,

Ech hu mol an der Schluecht vu Worringen eng nei Infobox agesat fir ze testen. Du brauchs näischt dorun ze schaffen. Et gëtt fir den Ament nach e klenge Problem. Wa mer en net behuewe kréien da flitt se nees. --Les Meloures (Diskussioun) 11:06, 18. Nov. 2019 (UTC)

ÄnnerungskonfliktÄnneren

Merci, léiwen Zinneke, datt Dir sou léif waart, fir en Ännerungskonflikt beim Sarkozy senger Säit ze provozéieren. Dir hutt meng Ergänzungen domat komplett verschass... Ech kommen awer net dorobber zréck an iwwerloossen Iech gär d'Restauratioun vu mengen Ajout'en. Ech weess, Dir schreift lo nees eng laang Tirade géint déi "blöd" IP'en, déi näischt kënnen oder nëmme Vandalismus bedreiwen. Dann eben... D'lb.wikipedia braucht awer Leit, déi mat groussem Asaz a mat Kompetenz Notice schreiwen, respektiv ergänzen oder verbesseren. Mee Dir, an eng Handvoll Möchtegern-Diderot'ë mengt, d'lb,wikipedia wier Är exklusiv Spillwiss. Da bleift ënner Iech - Inzucht war schonn ëmmer gutt fir d'Ëntwécklung. Et ass mer eng Éier, Iech net ze gréissen! -

Wann Dir dee sidd, dee gefillt 50 Mol explizéiert krut, datt een dat net ka gesinn, wann en anere gläichäiteg un engem Artiekl schreift, an een dofir {{EnCours}} soll driwwer schreiwen, fir Versiounskonflikter ze verhënneren, an deen dat nach ëmmmer net bekäppt huet, ass Iech net ze hëllefen. Dass d'Wikipedia "Leit [braucht], déi mat groussem Asaz a mat Kompetenz Notice schreiwen, respektiv ergänzen oder verbesseren, stellt keen a Fro. Vun esou dichtege Leit gëtt awer e Minimum vun engem normalen Ëmgang mateneen erwaart, wat ë.a. eng Akzeptanz vu gemeinsame 'Spillreegele' viraussetzt. Är topeg Bemierkungen um Enn hätt Der Iech och gär spuere kënnen.--Zinneke (Diskussioun) 18:14, 26. Nov. 2019 (UTC)
Dee Mann huet och net bekäppt datt wann een déi Meldung vum Versiounskonflikt kritt, d'Ännerunge jo nach net verluer sinn. Et ass net schwéier fir e Copy/Paste ze maachen. Mä et ass méi einfach topeg Bemierkungen ze maachen, wéi eng Grëtz nozedenken. --Les Meloures (Diskussioun) 11:56, 27. Nov. 2019 (UTC)

The Signpost: 29 November 2019Änneren

Zurück zur Benutzerseite von „Zinneke“.