Asiatesch Infrastruktur-Investitiounsbank
D'Asiatesch Infrastruktur-Investitiounsbank (en.: Asian Infrastructure Investment Bank - AIIB) ass eng international Finanzinstitutioun, déi vun der chineesescher Regierung initiéiert gouf. D'Zil vun dëser multilateraler Entwécklungsbank ass et, Infrastrukturprojeten an Asien ze finanzéieren.
De Projet vun der AIIB gouf 2013 vu China virgestallt[1] an am Kader vun enger Zeremonie am Oktober 2014 zu Peking lancéiert.[2] Vum Juni 2015 u ginn d'Accorde mat de Länner, déi matmaachen, ënnerschriwwen. Dat soll bis Enn des Joers gemaach sinn.
De 15. Abrëll 2015 hate bal all asiatesch Länner an déi meescht grouss Länner baussent Asien (d'USA a Japan, déi d'ADB dominiéeren, waren net derbäi) als "Prospective Founding Members" (viraussiichtlech Grënnungsmemberen) engagéiert. Nordkorea an Taiwan haten eng Demande gemaach, Matgrënner ze ginn, si goufen awer refuséiert.
Matgrënner
ännerenEt gëtt 37 Matgrënner an der Regioun, an 20 baussent der Regioun. D'Volleksrepublik China ass de gréisste Member mat 30 % vum Kapital a 26 % vum Stëmmrecht.[3] Bei alle wichtegen Decisiounen ass eng Majoritéit vu 75 % vun alle Stëmmen néideg; China kann deemno e Veto aleeën. Ausserdeem gesinn d'Statute vir, datt 70 % vum Kapital aus Asie komme muss.
Lëtzebuerg huet sech de 27. Mäerz 2015, als éischt EU-Land, engagéiert, mat 69,69 Milliounen Dollar mat derbäi ze sinn[4]. Aner EU-Länner, déi vun Ufank u mat derbäi wëlle sinn, sinn Däitschland, Éisträich, Finnland, Frankräich, Holland, Irland, Italien, Malta, Polen, Portugal, Schweden, Spuenien an d'Vereenegt Kinnekräich (zesummen hu s'am ganze bal 20 % vum Kapital). Och Länner wéi d'Schwäiz, d'Tierkei, Südafrika oder Neiséiland si mat derbäi.
| Memberen an der Regioun | Membere baussent der Regioun | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
Stand: 15. Abrëll 2015
D'AIIB gëtt vu verschiddene Kritiker als eng Konkurrenz vun der Weltbank ugesinn, dem Internationale Wärungsfong (IMF) an der Asiatescher Entwécklungsbank (ADB), déi duerch déi westlech Länner, virop d'Vereenegt Staate vun Amerika, dominéiert ginn.[5] Och gesinn Observateuren an hir eng Méiglechkeet, déi chineesesch Wärung Remnimbi z'internationaliséieren an dem US-Dollar als interational Wärung Konkurrenz ze maachen.[6]
Um Spaweck
änneren- (en) Website vun der AIIB
Referenzen
änneren- ↑ "China says new bank to complement existing institutions." The Washington Post 2015-03-21
- ↑ "Three major nations absent as China launches World Bank rival in Asia." Reuters|2014-11-05.
- ↑ "AIIB launch signals China's new ambition." Financial Times, 29 Juni 2015
- ↑ "Luxembourg confirms to become founding member of AIIB." chinadaily.com Updated: 2015-03-19 10:31.
- ↑ "Support for China-led development bank grows despite US opposition." The Guardian, 2015-à3-15.
- ↑ "Luxembourg to become founding member of China-led investment bank." wort.lu, 27 March, 2015 at 15:25.