Provënz Limburg (Belsch)

Dësen Artikel beschäftegt sech mat der belscher Provënz Limburg. Fir aner Bedeitungen, kuckt wgl. Limburg.

Limburg ass eng vun den 10 belsche Provënzen, am Nordoste vum Land. Se grenzt un Holland (am Norden an am Osten), méi genee un d'hollännesch Provënze Limburg an Nordbrabant, an, an der Belsch, am Westen un d'Provënz Antwerpen an un de Flämesche Brabant an am Süden, a Wallounien, un d'Provënz Léck. Zu der Provënz Limburg gehéiert och Voeren (fr.Fourons), eng Enklav tëscht Holland an der Provënz Léck, déi ëmmer nees fir Problemer am belsche Sproochesträit geféiert huet.

Provënz Limburg
Land	Belsch
Regioun	Flandern
Communautéit	Flämesch
Chef-lieu	Hasselt
ISO 3166-2	BE-VLI
Awunner	870.880 (1. Januar 2018)
Fläch	2.422,14 km²
Arrondissementer	Arrondissement Hasselt Arrondissement Maaseik Arrondissement Tongeren
Websäit	http://www.limburg.be

D'Provënz ass 1839 entstanen, wéi, duerch den Traité vu London, d'Provënz Limburg tëscht Holland an der Belsch gedeelt gouf, woubäi d'Meuse als Grenz geholl gouf.

Allgemenges

• Chef-lieu: Hasselt
• Fläch: 2422 km²
• Héchste Punkt: Voeren, 287,5m (och héchste Punkt vu Flandern).
• Wichteg Waasserleef: Meuse, Démer, Geer, Dommel
• Awunnerzuel: 807.555 (1. Januar 2004)
• Arrondissementer: Hasselt, Maaseik, Tongeren

Gemengen

D'Provënz Limburg huet 44 Gemengen:

Arrondissement vun Hasselt

As Beringen Diepenbeek Genk Gingelom Halen

Ham Hasselt Herk-de-Stad Heusden-Zolder Leopoldsburg Lummen

Nieuwerkerken Opglabbeek Sint-Truiden Tessenderlo Zonhoven Zutendaal

Arrondissement vu Maaseik

Bocholt Bree Dilsen-Stokkem Hamont-Achel Hechtel-Eksel

Houthalen-Helchteren Kinrooi Lommel Maaseik Meeuwen-Gruitrode

Neerpelt Overpelt Peer

Arrondissement vun Tongeren

Borgloon Alken Bilzen Heers Herstappe

Hoeselt Kortessem Lanaken Maasmechelen Riemst

Tongeren Voeren Wellen

Um Spaweck

Commons: Limburg (Province of Belgium) – Biller, Videoen oder Audiodateien