Paulette Lenert
D'Paulette Lenert, gebuer den 31. Mee 1968 an der Stad Lëtzebuerg, ass eng lëtzebuergesch Verwaltungsbeamtin a Politikerin (LSAP)[1].
| Paulette Lenert | |
|---|---|
 | |
| Gebuer |
31. Mee 1968 Lëtzebuerg |
| Nationalitéit | Lëtzebuerg |
| Educatioun |
Universitéit Paul-Cézanne, Universitéit vu London, Athénée de Luxembourg |
| Aktivitéit | Politiker, Jurist, Affekot, Riichter |
| Partei | LSAP |
 | |
Karriär
ännerenD'Paulette Lenert huet hir Première (A-Sektioun, modern, 1987) am Stater Kolléisch gemaach an dono op der Universitéit Aix-Marseille III Droit studéiert. No hirer Maîtrise, 1991, huet si 1992 a Groussbritannien e Master am europäeschen Droit zu London gemaach.
Si huet 1992 als Affekotin um Stater Barreau ugefaange mat schaffen. 1994 goung si bei de Justizministère, wou si Attachée gouf. 1997 gouf si Riichterin um Verwaltungsgeriicht, a spéider Vizepresidentin vun deem Geriicht. Vun 2010 bis 2013 war si Premier conseiller de gouvernement am Delegéierte Ministère fir Solidarekonomie. Duerno gouf si Direktesch vun der Cellule de facilitation en matière d'urbanisme et d'environnement am Staatsministère. Dat selwecht Joer ass si Éischt Regierungsconseillère am Ministère vun der Fonction publique an der Verwaltungsreform ginn, vun deem se 2014 d'Gesamtkoordinatioun iwwerholl huet.
2017 gouf si zousätzlech Direktesch vum Institut national d'administration publique.
D'Paulette Lenert war och vun 2011 bis 2013 am Verwaltungsrot vu Proactif a.s.b.l. a bis Enn 2018, vun der Initiativ Rëm Schaffen a.s.b.l.
De 5. Dezember 2018 gouf si als Ministesch fir Humanitär Hëllef a fir Konsumenteschutz an der Regierung Bettel-Schneider-Braz vereedegt. Nom Remaniement vum 4. Februar 2020 war si Gesondheetsministesch, Delegéiert Ministesch fir Sozialversécherung a Ministesch fir Konsumenteschutz. No engem weidere Remaniement gouf si zousätzlech Vize-Premierministesch an der ewell Bettel-Lenert-Bausch genannter Regierung.[2]
2023 huet si fir d'Chamberwale kandidéiert a gouf fir d'LSAP am Zentrum Süden an d'Chamber gewielt[3].
Zanter dem Januar 2019 ass si Vizepresidentin vun der LSAP[4].
Gielercher
änneren- Officier vun der Légion d'honneur (Promotioun 2022)[5]
Um Spaweck
änneren- Paulette Lenert: Eine Ministerin als Krisenmanagerin op wort.lu de 26. Mäerz 2020
Referenzen
änneren- ↑ Quell, wou net anescht uginn: Biographie Paulette Lenert." op gouvernement.lu, 2018-12-05.
- ↑ "Das Personalkarrussel dreht sich." wort.lu, 05.01.2022.
- ↑ (fr)Résultats détaillés - Centre. elections.public.lu. Gekuckt de(n) 10.10.2023.
- ↑ "De Franz Fayot ass neien LSAP-President, Tom Jungen Generalsekretär ". rtl.lu, 23.01.2019, 08:25:03.
- ↑ (fr)La ministre Paulette Lenert a reçu la Légion d'honneur. virgule-online (21.06.2023). Gekuckt de(n) 21.06.2023.