Pôle d'échange Houwald

De Pôle d'échange Houwald (oder Pôle d'échange Howald) ass e Pôle d'échange op der Grenz tëscht der Stad Lëtzebuerg (Quartier Gaasperech) an der Gemeng Hesper (Houwald), dee follgend Transportinfrastrukture begräift:

• Busgare Howald, Gare / PE (AVL + RGTR)
• Tramshalt Howald Gare
• Gare Houwald

Pôle d'échange Houwald

ass eng	Pôle d'échange
Status	am Gebrauch
opgaang	7. Juli 2024
Lag vun der Statioun
Land	Lëtzebuerg
Gemeng	Lëtzebuerg, Hesper
Koordinaten	49°34'50"N, 6°7'53"O
Héicht i. M.	290 m
Reseau
Reseau	Autobus de la Ville de Luxembourg, CFL, Régime général des transports routiers, Stater Tram

De Pôle d'échange ass – zesumme mat der Verlängerung vum Tram bis op d'Cloche d'or – de 7. Juli 2024 provisoresch opgaangen.

Wéinst juristesche Streiderei konnt d'Bréck iwwer d'Gare Houwald net wéi ursprénglech geplangt, iwwer hir ganz Breet gebaut ginn, sou datt provisoresch eng schmuel Versioun opgaangen ass. Dat bréngt mat sech, datt an enger Iwwergangszäit den Tram just op engem Gleis an d'Bussen iwwerhaapt net iwwer d'Bréck fuere kënnen. Eréischt viraussiichtlech 2026 kann déi ganz Bréck da befuer ginn. Fir déi selwecht Iwwergangszäit gouf d'Tramshalt Howald Gare provisoresch westlech vun der Bréck amenagéiert a gëtt awer op d'Bréck geréckelt, soubal déi fäerdeg ass.

Vun der Tramshalt kënnt een engersäits erof op d'Quaie vun der Zuchgare an anersäits op d'Busgare vum Pôle d'échange Houwald.

Lag vum Pôle d'échange

De Pôle d'échange gëtt agegrenzt vum CR231 am Süden, dem P+R Lëtzebuerg-Süd (Parking B) am Westen, der Bréck vun der Gare Houwald am Norden an der Parkplaz vum Cactus-Supermarché um Boulevard des Scillas am Osten. D'Busgare läit op enger Héicht vun ca. 290 m.

Infrastruktur

Eng Bikebox an ëffentlech Toilettë gëtt et an der Busgare.

Biller

• 
  D'Busgare vum Pôle d'échange
• 
  E Regional-Express an der Gare
• 
  D'Tramshalt Howald Gare
• 
  En Tram op der provisoresch eegleiseger Streck

Um Spaweck

Commons: Pôle d'échange Houwald – Biller, Videoen oder Audiodateien