Limes Luxemburgensis

De Limes Luxemburgensis (LL) war eng Grenzlinn am Bambësch, déi d'Limitt vun der Stad Lëtzebuerg markéiert huet. Se bestoung aus enger Serie vu 94 stenge Maarken, déi am September an Oktober 1772 ënnert der Maria Theresia vun Éisträich, déi och Herzogin vu Lëtzebuerg war, vum Festungsingenieur Nicolas de Jamez opgestallt goufen.

« Dräi Häre Maarken »: vu riets no lénks: LL – Dräilännereck – Stroossen – SM

Beschreiwung änneren

Op all Maark war eng Opschrëft: eng fortlafent Nummer (vun 1 bis 94), drënner d'Buschtawen LL an d'Joreszuel 1772. D'Maarke goufen sou opgestallt, datt d'Opschrëft a Richtung vun der Stad Lëtzebuerg gekuckt huet. Vun den ursprénglech 94 Maarke bestinn der nach 63. Déi meescht Maarke sti laanscht engem Wee a si liicht ze gesinn. Déi, déi net direkt bei engem Wee mä am Bësch stinn, si geleeëntlech méi schwéier accessibel, absënns wéinst der dichter Vegetatioun.

Haaptsächlech déi éischt (Nummer 1 bis 16) an déi lescht (Nummer 89 bis 94) Maarke vum LL feelen, sief et well Stroossen an Haiser gebaut goufen (Reckendall an zum Deel d'Autobunn A6) oder well d'Landschaft ugepasst gouf am Beräich vum Tipp (Centre régional pour déchets inertes) um Schleedbierg.

De Limes Luxemburgensis ass keen zouene Krees, well et kee Sënn gemaach huet de Rollengergronn a Richtung Stad ze delimitéieren. D'Maarke goufen an der Moyenne all 84 Meter placéiert, d'Distanz variéiert awer tëscht 41 an 220 Meter. Déi ganz Längt vum LL – vun der éischter bis bei déi lescht Maark – beleeft sech op 9.098,52 Meter oder 4.668,3 Toisen, déi al franséisch Moosseenheet, déi op der Kaart gebraucht gouf, déi och 1772 opgestallt gouf. Dobäi kommen nach zirka 1.600 m vum Deel am Rollengergronn deen net demarkéiert ass, sou datt de Limes Luxemburgensis op eng Längt vun am Ganze ronn 10.700 m kënnt.

Dräi Häre Maarken änneren

Um Punkt am Bambësch, wou d'Grenzen vun der haiteger Gemeng Lëtzebuerg an de Gemenge Stroossen a Koplescht openee stousse stinn déi sougenannt « Dräi Häre Maarken »: der LL-Kaart vu 1772 no, handelt sech ëm en administrativen « Dräilännereck » wou d'Bëscher vun der Stad Lëtzebuerg, der Gemeng Stroossen an dee vun « Hirer Majestéit » Maria Theresia (SM « Sa Majesté ») openee gestouss sinn. Hei sti véier Maarken: eng dräieckeg (Dräilännereck) an eng fir all administrativ Sektioun. Just d'Nummer 40 gehéiert zum LL.

LL-Kaart änneren

Déi ursprénglech 94 Maarke sinn an enger Kaart agedroen déi 1772 an zwéin Exemplaire gezeechent gouf. Op dëser « Carte particulière des limites et sépartation du Bambusch bois appartenant à la Ville de Luxembourg avec les abornements qui ont été faits aux mois de septembre et octobre 1772 », déi op de 25. Oktober 1772 datéiert a vun ë. a. dem Nicolas de Jamez ënnerschriwwen ass, sinn d'LL-Maarken 1-94 grad wéi d'Rollengergrënnesch Maarken 43-46 agezeechent.

D'Kardinalpunkten sinn op der Kaart mat den ale franséischen Nimm Septentrion (Norden), Midi (Süden), Orient (Osten) an Occident (Westen) uginn, woubäi de Westen an den Oste vertosch goufen!

Lëscht vun de Maarken änneren

Lëscht vun de Maarke vum Limes Luxemburgensis
Nr = Nummer | m = Distanz (Meter) bis bei de nächst Maark | t = Distanz (Toise) bis bei de nächst Maark (1 t = 1,949 m)
Nr	m	t	Bemierkung
1	141	72,2	Besteet net méi
2	112	57,3	Besteet net méi
3	136	70,0	Besteet net méi
4	139	71,4	Besteet net méi
5	199	102,2	Besteet net méi
6	183	94,0	Besteet net méi
7	209	107,0	Besteet net méi
8	141	72,2	Besteet net méi
9	191	98,0	Besteet net méi
10	220	113,0	Besteet net méi
11	178	91,3	Besteet net méi
12	135	69,3	Besteet net méi
13	197	101,0	Besteet net méi
14	175	90,0	Besteet net méi
15	51	26,2	Besteet net méi
16	80	41,3	Besteet net méi
17	143	73,2	Besteet net méi
18	170	87,0
19	174	89,2
20	86	44,2
21	92	47,2	Net ze gesinn (an der Vegetatioun verstoppt)
22	82	42,0
23	71	36,3
24	105	54,0
25	104	53,3
26	80	41,0
27	72	37,0	Net direkt beim Wee; Accès problematesch
28	82	42,0	Net direkt beim Wee; Accès problematesch
29	68	35,0	Net direkt beim Wee; Accès problematesch
30	96	49,2	Net direkt beim Wee; Accès problematesch
31	79	40,3
32	82	42,0
33	84	43,3	D'Opschrëft kuckt an déi falsch Richtung. Et ass unzehuelen, datt d'Maark am Laf vun de Joren op déi lénks Säit vum Wee geréckelt an hannevir opgeriicht gouf
34	101	52,0
35	67	34,3	Eng Kopie vun der Maark steet um Devashaff
36	70	36,0
37	58	30,0
38	62	32,0
39	77	39,3	Ronn 40 m nieft dem Wee, Accès problematesch
40	62	32,0	« Dräi Häre Maarken »: der LL-Kaart vu 1772 no, handelt sech ëm en administrativen « Dräilännereck » wou d'Bëscher vun der Stad Lëtzebuerg, der Gemeng Stroossen an dee vun « Hirer Majestéit » Maria Theresia (SM « sa Majesté ») openee gestouss sinn. Hei sti véier Maarken: eng dräieckeg (Dräilännereck) an eng fir all administrativ Sektioun. Just d'Nummer 40 gehéiert zum LL
41	43	22,0	D'Maark steet 20–30 m nieft dem Pad
42	88	45,0	D'Maark steet 20–30 m nieft dem Pad
43	94	48,0	D'Maark steet 20–30 m nieft dem Pad
44	76	39,0	D'Maark steet 20–30 m nieft dem Pad
45	76	39,0
46	82	42,3
47	84	43,0	Nieft dem Wee, an der Vegetatioun verstoppt
48	88	45,0	D'Maark steet ronn 20 m nieft dem Pad
49	90	46,0	D'Maark steet ronn 20 m nieft dem Pad
50	84	43,0	D'Maark steet ronn 20 m nieft dem Pad
51	86	44,3	D'Maark steet ronn 20 m nieft dem Pad
52	82	42,0	Net ze gesinn (an der Vegetatioun verstoppt)
53	90	46,2
54	86	44,3
55	96	49,0
56	80	41,3	Net ze gesinn (an der Vegetatioun verstoppt)
57	109	56,0	Opschrëft net méi liesbar
58	67	34,3
59	74	38,0	Zousätzlech Opschrëft: « CC 1997 ». D'Maark gesäit sech rezent un, sou datt se warscheinlech 1997 ersat gouf
60	92	47,0	Zousätzlech Opschrëft: « CC 1997 ». D'Maark gesäit sech rezent un, sou datt se warscheinlech 1997 ersat gouf
61	92	47,0	Besteet net méi
62	96	49,0
63	69	35,3
64	63	32,2
65	53	27,0
66	97	50,0	Besteet net méi
67	82	42,2
68	66	34,0	Besteet net méi
69	66	34,1
70	88	45,0	D'Maark ass ëm e puer Meter verréckelt ginn
71	55	28,0
72	41	21,0	D'Maark ass deelweis vergruewen an d'Opschrëft ass net ze gesinn
73	92	47,0
74	72	36,9
75	84	43,0
76	70	36,0
77	69	35,3
78	74	38,0
79	133	68,0
80	62	32,0	Opschrëft net méi liesbar
81	51	26,2	D'Maark steet ronn 20 m nieft dem Pad
82	77	39,3	D'Maark steet ronn 20 m nieft dem Pad
83	82	42,0	D'Maark steet ronn 20 m nieft dem Pad
84	78	40,2	D'Maark steet ronn 20 m nieft dem Pad
85	63	32,3	An engem zouenen Haff; betseet se nach?
86	66	34,0	D'Maark steet an engem Gruef. Warscheinlech stoung se ursprénglech nieft dem Wee a gouf verréckelt fir e Buer ze bauen, deen haut net méi besteet
87	92	47,4
88	86	44,0	Kopie mat der zousätzlecher Opschrëft: « CC 1997 ». Déi original Maark ass am Depot vum Lëtzebuerg City Museum
89	99	51,0	Besteet net méi
90	207	106,0	Besteet net méi
91	142	73,0	Besteet net méi
92	142	73,0	Besteet net méi
93	70	36,0	Besteet net méi
94	113	58,1	Besteet net méi