Kierch Schlënnermanescht

D'Kierch zu Schlënnermanescht ass eng kathoulesch Kierch, déi zur Par Dikrich Le Bon Pasteur, zum Dekanat Zentrum an zu der Gemeng Buerschent gehéiert.

Kierch vu Schlënnermanescht

Parkierch vu Schlënnermanescht (2015)

Uertschaft / Plaz

Schlënnermanescht

Par

Dikrich
Le Bon Pasteur

Dekanat

Zentrum

Koordinaten

49° 55’ 58.1’’ N
06° 03’ 45.1’’ O

Kierchen - Kapellen

D'Kierch ass der Gebuert vun der Muttergottes geweit. D'Fest gëtt den 8. September gefeiert.

Se steet an der Haaptstrooss, dem CR348.

Zur fréierer Par Schlënnermanescht gehéiert ausser der Parkierch vun Schlënnermanescht och nach d' Kapell vun Uewerschlënner.

Geschicht

D'Par Schlënnermanescht gouf am Joer 1804 mat eegener Verwaltung an engem eegene Paschtouer gegrënnt. Zur fréierer Par gehéieren och nach d'Giewelsmillen, de Fridbësch an d'Ënner- an Uewerschlënner. Fir d'200-Joerfeier vun der Par krut d'Kierch vu Schlënnermanescht am Joer 2004 zwou nei Klacken.

Fënsteren

D'Fënstere si vum Émile Probst an deem senger Fra Denise Probst-Massin.

Klacken

Klack	Toun	Opschrëft	Géisserei	Joer	Gewiicht
Maria	Si b' (h)	VOCO VOS AD MARIAM PATRONAM Schlindermanderscheid 1891	F. & A. Causard Colmar	1891	400 kg
Anna	Do" (C)	VIVOS VOCO MORTUOS PLANGO FULGURA FRANGO Schlindermanderscheid 1891	F. & A. Causard	1891	280 kg
Joseph und Joachim	Re" (Des")	HELLEGE JOUSEF, HELLEGE JOACHIM ECH LAUDEN ZESUMMEN MAT DER HL. MARIA AN DER HL. ANNA FIR EIS FAMILJEN, EIS KANNER, EIS JUGENDLECH 200 JOR PAR SCHLËNNERMANESCHT 2004	H. Schmit & Söhne Brockscheid	2004	250 kg
Teresa	Mi b" (Es")	HELLEG TERESA ECH LAUDEN FIR TROUSCHT ZE SCHENKEN DEN AARMEN AN DE KRANKEN, AN DEENEN DÉI UM STIERWE LEIEN 200 JOR PAR SCHLËNNERMANESCHT 200	H. Schmit & Söhne	2004	180 kg

Kuckt och

Um Spaweck

Commons: Kierch Schlënnermanescht – Biller, Videoen oder Audiodateien

D'Kierch vun Nordoste gesinn
Agank vun der Kierch mat dem Monument aux morts niewendrun
De Banneraum mat den Altär