Kapell Hitten
D'Kapell zu Hitten ass eng kathoulesch Kapell déi zur Par Atertdall Sainte-Claire an zu der Gemeng Biekerech gehéiert.
| ||||
|---|---|---|---|---|
 Kapell vun Hitten (2013) | ||||
| Uertschaft / Plaz | Hitten | |||
| Par | Par Atertdall Sainte-Claire | |||
| Dekanat | Zentrum | |||
| Numm / Patréiner | Hl. Sigismund | |||
| Baujoer | 1714 | |||
| Koordinaten | 49° 44’ 07.5’’ N 05° 53’ 49.6’’ O | |||
| Kierchen - Kapellen | ||||
Si steet am Zentrum vun der Uertschaft op der Areler Strooss (N24) vun Näerden op Biekerech.
De Patréiner ass den hellege Sigismund, deem säi Fest den 1. Mee gefeiert gëtt. Hie soll Schutz viru Féiwer a schlechtem Gehéier bréngen.
Zur fréierer Par Biekerech huet ausser der Kapell zu Hitten och nach d'Parkierch vu Biekerech, d'Helleg Kräiz-Kapell um Kuelebierg zu Biekerech an d'Kapell zu Liewel gehéiert.
Geschicht änneren
D'Kapell ass aus dem Joer 1714. Iwwer der Dier an op der Dier selwer erkennt een d'Buschtawen IHS, déi entweeder op Latäin fir "in hoc salus" (an dësem Fall als Grouss ze verstoen) oder fir "Jesus, Heiland, Seligmacher" stinn.
Iwwer dem Altor stinn 2 Statue vum hellege Sigismund a vum hellege Wendelin. D'Statue si vum Nic. Greef-Greisch respektiv vu sengem Fils Péitruss vun Altwis.
Ufanks 2015 gouf déi al Entréesdier, bei där d'Holz vermuuscht war a Buschtawe gefeelt hunn, ersat.
Zenter Abrëll 2020 ass d'Kapell nees fir jiddwereen all Dag zougänglech..
Literatur änneren
- Bosseler, Nic, 1975: Beckerich, Hüttingen und Levelingen, in ihrer schicksalhaften Geschichte im Wandel der Jahrhunderte, Krippler & Cie, 332 S., S. 255-257
Biller änneren
-
D'Kapell vun Norde gesinn -
-
Déi al Dier vun der Kapell, eng Kopie gouf ufanks 2015 agesat -
D'Opschrëft IHS an d'Baujoer -
Den Hinnchen op der Kapell
Kuckt och änneren
Um Spaweck änneren
| Commons: Kapell Hitten – Biller, Videoen oder Audiodateien |
