Kapell Heischtergronn
D'Kapell am Heischtergronn ass eng kathoulesch Kapell déi zur Par Öewersauer Saint-Pirmin, zum Dekanat Norden an zu der Gemeng Esch-Sauer gehéiert.
| ||||
|---|---|---|---|---|
 D'Kapell aus dem Heischtergronn | ||||
| Uertschaft / Plaz | Heischtergronn | |||
| Par | Öewersauer Saint-Pirmin | |||
| Dekanat | Norden | |||
| Numm / Patréiner | Hl. Kunigunde | |||
| Baujoer | 1853 | |||
| Koordinaten | 49° 54’ 17.7’’ N 5° 57’ 42.4’’ O | |||
| Kierchen - Kapellen | ||||
D'Patréinesch ass d'helleg Kunigunde där hiert Fest den 13. Juli gefeiert gëtt.
Se steet am Kierchewee, dee vun der N12 an den Heischtergronn féiert.
Geschicht änneren
Bis de 7. Mee 2017 war d'Kapell aus dem Heischtergronn eng Kapell vun der Par Heischent. Zur fréierer Par Heischent huet ausser der Kapell aus dem Heischtergronn och nach d'Parkierch vun Heischent an d'Kapell zu Mëtscheed gehéiert.
Iwwer d'Gebai änneren
D'Kapell ass an de Joren 1848 - 1852 gebaut ginn.
D'Kapell am Heischtergronn ass en aachteckege Bau. Si ass am neo-gotesche Stil gebaut. An der Ardenneschluecht 1944/45 war d'Kapell staark beschiedegt ginn. 1949 gouf se erëm zum Deel reparéiert. Gréisser Reparature goufen an de Joren 1962 bis 1964 gemaach.
Am Joer 1991 gouf d'Kapell als National-Monument klasséiert.[1] Duerno ass si da komplett vu baussen a vu banne restauréiert ginn.
D'Statuen änneren
- Den hellegen Celsus (gestuerwen am Joer 141 zu Tréier) op der rietser Säit vum Haaptaltor (16. Joerhonnert)
- D'Tréischterin am Leed an der Mëtt um Haaptaltor
- D'Helleg Kunigunde (980 - 1040) op der lénkser Säit vum Haaptaltor (XVI. Joerhonnert)
- D'Helleg Katharina vun Alexandria an den hellegen Antonius de Klausener oder och Schweinetünnes genannt, stinn hannen an der Kierch
- Iwwer der Haaptentree steet eng weider stenge Statu vun der helleger Kunigunde.
D'Fënsteren änneren
D'Fënstere sinn am Ufank vum 20. Joerhonnert am Atelier Linster zu Munneref gemaach ginn. Op jiddwer Fënster ass en Hellegen ze gesinn.
- - D'helleg Kunigunde
- - Den hellege Péitrus
- - Den hellegen Andreas
- - D'helleg Bäerbel
- - Den hellegen Antonius vu Padua
- - D'helleg Margareta vu Cortona
- - Den hellege Jousef
D'Klack änneren
D'Klack aus der Kapell klëngt am Toun la.
Si ass 0,35 m héich an huet en Duerchmiesser vun 0,41 m.Op der Klack ass e Bild vun der Tréischterin am Leed, an et steet dorop geschriwwen "Faitte par Hemery", de Rescht vun der Inscriptioun ass ewechgefeilt.
D'Celsus-Feier änneren
Zanter 1987 organiséieren d'Frënn vun der Heischtergrënner Kapell all Joer am Juli d'Celsus-Feier an der Kapell. Bei där Geleeënheet gi Päerd, Trakteren, Autoen a Vëloe bei der Kapell vum zoustännege Paschtouer geseent.[2]
Literatur änneren
- Por Heischent, (verschidden Auteuren), Saint-Paul, Lëtzebuerg, 2004
Biller änneren
- Fotogalerie
-
Den Haaptaltor -
D'Fënster mam hellege Jousef -
D'Statu vun der helleger Katharina vun Alexandrien
Kuckt och änneren
Um Spaweck änneren
| Commons: Kapell Heischtergronn – Biller, Videoen oder Audiodateien |
Referenzen änneren
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).
- ↑ (JC), 2013. 200 Autos, Pferde, Traktoren und Fahrräder gesegnet. "Frënn vun der Heischtergrënner Kapell" organisieren die Feier bereits zum 27. Mal. Luxemburger Wort vum 17. Juli 2013, S. 23.