KZ Natzweiler-Struthof

D'KZ Natzweiler-Struthof war e Konzentratiounslager (KZ / KL) no bei Natzwiller am Elsass, ongeféier 55 km westlech vu Stroossbuerg, op enger Kopp vun de Vogesen op enger Héicht vun 800 m.

Entrée vum Lager Struthof

De Struthof haut

D'Haaptlager ass dat eenzegt Konzentratiounslager op franséischem Territoire a louch deemools am annexéierten Elsass. D'Netz vun den Niewelageren, op den zwou Säite vum Rhäin huet aus ronn 70 méi klenge Lagere bestanen. Eent dovu war z. B. dat zu Thil, direkt hannert der lëtzebuergescher Grenz. Vun de ronn 52.000 op Natzweiler Deportéiert, hunn der ongeféier 35.000 d'Haaptlager ni ze gesi kritt.

Dës Plaz war vum Hitler sengem Architekt, dem Albert Speer wéinst dem rosa Granit deen do am Buedem läit erausgesicht ginn, deen hie gebraucht huet fir seng Monumental-Gebaier. Et goufen awer och medezinesch Experimenter vun de Professere vun der Reichsuniversität Straßburg do gemaach.

Lëtzebuerger déi zu Natzweiler waren

• Pierre Biermann
• Louis Biren
• Nicolas Birtz
• Nicolas Bosseler
• François Goldschmit
• Robert Krieps
• Ernot Lorang, vu Bieles, erschoss den 19. Mee 1944
• Albert Ungeheuer
• Théo Siedler vun Téiteng
• Emile Frantz

Kuckt och

• KZ-Niewelager Thil
• KL-Natzweiler-Block Baustelle U

Literatur

• Kayser, Steve (éd.), 2008. Amicale Natzweiler-Struthof 1966-2008. Mehr als 40 Jahre Erinnerungsarbeit. Plus de 40 ans de travail de mémoire. imprimerie saint-paul, Lëtzebuerg. ISBN 978-2-8796-686-1.

Um Spaweck

• Offiziell Säit vum KZ

Commons: Natzweiler-Struthof concentration camp – Biller, Videoen oder Audiodateien