Jacques Stas
De Jacques Stas (oder Jacobus Stas[1]) gedeeft den 30. November 1675 an der Méchelskierch an der Stad Lëtzebuerg, a gestuerwen an der Stad den 22. Abrëll 1740, war e lëtzebuergesche Geeschtlechen a Grënner vum éischte Weesenhaus an der Stad.
| Jacques Stas | |
|---|---|
| Gebuer |
November 1675 Lëtzebuerg |
| Gestuerwen |
22. Abrëll 1740 Lëtzebuerg |
| Nationalitéit | Lëtzebuerg |
| Aktivitéit | Priister |
 | |
Dem Jacques säi Papp, Jean Stas († ëm 1864), war e Wiewer am Pafendall a Koschter an der Méchelskierch. D'Eltere si mat den dräi Kanner an d'Waassergaass geplënnert.
De Jacques gouf Paschtouer an der Nikloskierch an huet sech scho mat Zäit em d'Weesekanner gekëmmert, sou wéi seng finanziell Lag et him erlaabt huet.
Am Joer 1727 gouf hie bestëmmt fir engem gewësse Johann Moritz Schienbein säin Testament ze vollstrecken. Deen hat him säin Haus an der der Waassergaass inklusiv der Miwwele vermaacht, mat der Oplo, et als Weesenhaus anzeriichten. Fir deen Zweck huet de Stas nach en Haus am grënnesche Biisserwee kaaft[2], wou d'Weesejongen ënnerdaach koumen. Fir d'Haus ze verwalten, huet hie sech un de Magistrat (Gemengerot vun deemools) adresséiert; wéinst administrative Reiwereien a Rivalitéiten tëscht dem Provënzialrot an dem Magistrat huet et awer bis 1755 gedauert, bis d'Keeserin Maria Theresia d'Lettre patente fir d'Schafe vun engem Weesenhaus zu Lëtzebuerg ënnerschriwwen huet.
De Stas wollt net esou laang waarden an hat scho 1727 – ouni offiziell Autorisatioun, awer mam stëllem Averständnis vum Magistrat, säi Weesenhaus opgemaach[3], sou wéi et och um Chronogramm iwwer der Aganksdier stoung:
aDsIt pVpILLIs CIVItatIs aDIVtor DeVs.
Op Däitsch iwwersat heescht et ongeféier: „Möge Gott der Helfer der Stadt sein“. D'Joreszuel déi sech aus dem Chronogramm ergëtt ass: 1727[4]
.jpg)
Éierung
ännerenFir un de Jacques Stas z'erënneren, huet de Stater Schäfferot de 4. Januar 1960 decidéiert, zu Gaasperech eng Strooss no him ze nennen: d'Rue Jacques Stas leeft vum Millewee a südëstlecher Richtung bis hannert de Foussballsterrain vum FC Tricolore Gaasperech[5].
Literatur
änneren- André Redling, François Schwab. „Jacques Stas. Gründer des ersten Waisenhauses in der Stadt Luxemburg“.In Luxemburger Marienkalender Jg. 98(1979), p. 145-146, ill 1979/145
Um Spaweck
änneren- Fondation de lʼhospice des Orphelins. Les premiers bienfaiteurs, Ons Hémecht, 11. Jg., nº 5 (01.05.1905), S. 223
- Notice historique sur l’hospice des Orphelins à Luxembourg. (Suite.). Ons Hémecht, 11. Jg., nº 8 Heft (01.08.1905), S. 351.
- Notice historique sur l’hospice des Orphelins à Luxembourg. (Suite.) CHAPITRE III. Les maisons et la chapelle des orphelins au Grund. Ons Hémecht, 11. Jg., nº 10 Heft (01.10.1905), S. 455.
Referenzen an Notten
änneren- ↑ Jacobus Stas. www.familysearch.org. Gekuckt de(n) 13.10.2024.
- ↑ dat ursprénglecht Haus ass mëttlerweil ofgerappt a gouf mat deem Gebai ersat, an deem méi spéit d'Primärschoul dra war
- ↑ (fr)LE MAGISTRAT DE LA VILLE DE LUXEMBOURG ET LA SUPPRESSION DE LA COMPAGNIE DE JÉSUS. In: Hémecht, 18. Jg., nº Heft 4, S. 456. (01.10.1966). Gekuckt de(n) 13.10.2024.
- ↑ Chronogram Calculator. tyler-yates.github.io. Gekuckt de(n) 13.10.2024.
- ↑ (fr)Archives Ville de Luxembourg. www.archives-vdl.findbuch.net. www.archives-vdl.findbuch.net. Gekuckt de(n) 13.10.2024.
- Quell, wou net anescht uginn: Fanny Beck, Was bedeuten die Straßennamen der Stadt? Ons Stad 77/2004, S. 35