Lycée technique privé Émile-Metz

(Virugeleet vu(n) Institut Emile Metz)
De Lycée technique privé Émile-Metz zu Dummeldeng (2007)
D'Erënnerungsplack

De Lycée technique privé Émile-Metz, a Kuerzform LTPEM, huet de 4. November 1914 fir d'éischt seng Dieren opgemaach. Dëst war méiglech nodeem d'Edmée Metz-Tesch der ARBED eng bedeitend Geldstëftung vermaach huet, fir zu Éiere vun hirem verstuerwene Mann Émile Metz zu Dummeldeng eng Wierksschoul ze grënnen, déi als Institut Émile-Metz säin Numm sollt droen. Zil war et, d'Situatioun vun der Aarbechterklass duerch eng besser Ausbildung ze verbesseren.[1]

Haut (2008) ass den LTPEM e modernen technesche Lycée mat méi wéi 500 Schüler.

Am Haff vum Institut steet e Monument mat enger Dankbarkeetserklärung un d'Madame Edmée Metz-Tesch. Den LTPEM ass déi eenzeg Schoul zu Lëtzebuerg wou een eng Ausbildung als Fligermecanicien maache kann.

GestiounÄnneren

De Lycée gëtt zanter 1995 vun der A.s.b.l. Fondation LTPEM verwalt, déi am Juli 1995 vun der Fondation Veuve Emile Metz-Tesch a vun der Chambre de commerce gegrënnt gouf.[2] De Verwaltungsrot besteet aus siwe Memberen:

  • dräi Administrateuren, déi vum Lëtzebuerger Staat genannt ginn;
  • een Administrateur, dee vun der Fondation Veuve Emile Metz-Tesch genannt gëtt;
  • een Administrateur, dee vun der Chambre de commerce genannt gëtt;
  • zwéin Administrateuren, déi vun ArcelorMittal genannt ginn;

DirekterenÄnneren

  • ...
  • ????-2003:
  • 2003-2009: René Tissier
  • 2009-2010: Armand Lengler
  • 2010-haut: Théo Thill

Kuckt ochÄnneren

Um SpaweckÄnneren

Commons: Lycée technique privé Émile-Metz – Biller, Videoen oder Audiodateien

ReferenzenÄnneren

  1. Op der Internetsäit iwwer d'Geschicht vun der Schoul steet: « Madame Veuve Emile Metz-Tesch décide en 1913 de créer l'Institut Emile Metz dont le but est le développement physique et moral de la classe ouvrière et l'amélioration de sa situation matérielle. »
  2. De Veräin gouf den 19. Juli 1995 gegrënnt. Cf. d'Grënnungsstatuten am Mémorial Nr. 542, Säit 26009.