Klouschter

E Klouschter ass eng gemeinsam Wunneng vun Uerdensleit, Männer oder Fraen. D'Wuert "Klouschter" kënnt vum laténgesche Wuert claustrum an heescht zougespaart Plaz.

Vue op d'Abtei Prüm

E Klouschter läit normalerweis baussent den Uertschaften oder op d'mannst ofgetrennt dervun. Déi Leit, déi an engem Klouschter liewen, gi Pateren oder Bridder, respektiv Nonnen oder Schwëstere genannt. Eng besonnesch Form vu Klouschter ass eng Abtei.

Am Mëttelalter hate Kléischter normalerweis och eng eege Kierch, e Kräizgank, Wunn- a Schlofzëmmeren, besonnesch Zëmmere fir Gäscht an Aarbechtsgebaier. Dacks huet och eng Schoul zum Klouschter gehéiert.

Vill Kléischter waren a sinn nach ëmmer en Zentrum fir Kultur, Wëssenschaften, Konscht, Bauerewiesen oder Gesondheetswiesen.

Kuckt och

• Lëscht vun de reliéise Fraenuerden
• Lëscht vun de reliéise Männeruerden
• Kléischter an Abteien zu Lëtzebuerg
• Klausur
• Klauschter

Um Spaweck

Commons: Kléischter – Biller, Videoen oder Audiodateien