Haaptmenü opmaachen

D'Gossemaarke si Maarken op der belsch-lëtzebuergescher a belsch-hollännescher Grenz.

Dës Maarke sinn ongeféier 1,6 Meter héich, se hunn eng aachteckeg Basis am Buedem, si konesch, lafen no uewe méi oder wéineger spatz aus, an uewendrop steet eng Bëmmelchen déi och no uewe spatz ass.

Op de Maarke sinn d'Wope vu Lëtzebuerg a vun der Belsch, respektiv déi vun Holland an der Belsch, an d'Maarke stinn sou datt de Wopen zum Land weist wou en higehéiert.

Op der belsch-lëtzebuergescher Grenz sinn d'Maarken numéréiert vun LB001 am Dräilännereck bei Rodange bis LB286 op der Schmëdd am Norde vun Huldang. Kuriéiserweis gëtt et d'Maark LB001 zweemol. Déi eng steet op Lëtzebuerger Buedem an déi zweet op belschem Buedem, ongeféier 20 Meter vuneneen an duerch d'Kuer getrennt[1] .

Vun der Schmëdd un, bis erof an den Dräilännereck bei Ouren, sinn d'Maarken am Hasteen a vu 75 bis 52 numeréiert. Op der topographescher Kaart huet d'Maark N° 75 den Numm LB 75, an déi aner si mat LBN agedroen.

Datt déi Grenzmaarken am Hastee sinn, kënnt dohier, well do virun 1918 eng Grenz tëscht Lëtzebuerg an Däitschland, bestanen huet.

LiteraturÄnneren

  • Jos Goergen, 2008. Bornes frontières entre la Belgique et le Grand-Duché de Luxembourg. ISBN 978-2-87996-650-2
  • Romain Gaspar, 2009. 'Grenzsteng' een Abenteuer vum 1. an 2. Schouljor aus dem 'Fräschepillchen' vun Ell. 2. Editioun. (Broschür mat Texter a ville Biller vun de Gossemaarken a Grenzsteng an der Gemeng Ell.).

Um SpaweckÄnneren

ReferenzenÄnneren