Gare Mäertert

Gare Mäertert
	D'Gare zu Mäertert (2025)
ass eng	Gare
Status	am Gebrauch
opgaang	1861
Lag vun der Statioun
Land	Lëtzebuerg
Gemeng	Mäertert
Koordinaten	49°42'11,408"N, 6°28'46,589"O
Héicht i. M.	150 m
Reseau
Statiounscode	Mt
Bedreiwer	CFL
Reseau	CFL-Zuchreseau
P.K.	34,968 km
Gleiser mat Quai	2
Passagéier/Joer	52.874
	(2022)
Nopeschstatioun(en)	Gare Manternach,; Gare Waasserbëlleg
Websäit	https://www.cfl.lu/fr-FR/network/station/Gare-de-Mertert

D'Gare vu Mäertert ass eng Gare vun der Lëtzebuerger Eisebunn. Se läit ronn 120 m. südlech vun der N1 an der Sektioun Mäertert vun der Gemeng mam selwechten Numm.

Lag vun der Gare Mäertert

D'Gare Mäertert gehéiert zur Linn Lëtzebuerg - Waasserbëlleg - Tréier - (Wittlich / Koblenz) vum CFL-Zuchreseau. Se läit tëscht der Gare Manternach an där vu Waasserbëlleg.

Bei der Gare gëtt et kee Park & Rail-Parking. Vëloe kann een an enger Bikebox ënnerdaach stellen.

D'Gare vu Mäertert huet en Tunnel ënner dem Schinnebett, fir op déi aner Säit op de Quai ze kommen. Den Accès fir op d'Quaien ass net behënnertegerecht. Dat aalt Gebai vun der Gare gëtt net méi benotzt.

Geschicht

Grad ewéi Waasserbëlleg, hat Mäertert d'Eegenaart fir op zwou verschiddenen Eisebunnslinnen ze leien: engersäits op der där vun der Société royale grand-ducale des chemins de fer Guillaume-Luxembourg (GL) op der Streck vu Lëtzebuerg op Waasserbëlleg (aus där déi haiteg CFL-Streck entstanen ass) an anersäits op där vum Prënz, der Compagnie des chemins de fer Prince-Henri (PH), op der Sauerstreck vun Ettelbréck op Waasserbëlleg déi 1891 déi bis op Gréiwemaacher verlängert gouf. All Streck hat hir eege Gare zu Mäertert.

Dat fréiert Gare-Gebai, dat nach op der Gare zu Mäertert steet, huet deemno zur GL gehéiert, ass hautdesdaags awer e Wunnhaus.

Zich déi an der Gare halen

(Stand: Februar 2025)

Linn Lëtzebuerg ↔ Waasserbëlleg ↔ Tréier ↔ (Wittlich)

Richtung Waasserbëlleg

Aus Richtung	Halt virdrun	Zuch			Nächst Halt	A Richtung
Lëtzebuerg	Manternach		RB		Waasserbëlleg	Waasserbëlleg
Lëtzebuerg	Manternach		RB		Waasserbëlleg	Tréier - Wittlich

Richtung Lëtzebuerg

Jeeweils an der entgéintgesater Richtung wéi an der Tabell uewendriwwer.

Biller

Dat aalt Gare-Gebai
D'Ënnerféierung

Kuckt och

Um Spaweck

Commons: Gare Mäertert – Biller, Videoen oder Audiodateien