Gaasperecher Park

geplangten ëffentleche Park an der Stad Lëtzebuerg

De Gaasperecher Park ass e geplangte Park am Stater Quartier Gaasperech, op de fréiere Flouere Bei der Kéiwiss an Op dem Wakebierg,[1] dee bis 2021[2] (ursprénglech war 2020 virgesinn) fäerdeg ugeluecht soll sinn.

Gaasperecher Park
Luxembourg, Parc de Gasperich 03-2020 (101).jpg
Iwwersiichtsplang vum geplangte Park
Lokalisatioun
Land Lëtzebuerg
Gemeng Lëtzebuerg
Plaz Gaasperech
Koordinaten 49°35'15,25"N, 6°7'38,68"O
Bauhär Stad Lëtzebuerg (Verwaltung)
Fläch 15 ha

E gouf vum Bureau Carlo Mersch entworf[3] an huet eng Fläch vu knapps 15 Hektar[4]. Zentraalt Element ass d'Drosbech, déi an engem renaturéierte Bett queesch derduerch leeft, a ronderëm där hir Uwänner e Fiichtgebitt ugeluecht gëtt, duerch dat een iwwer Brécken a Pontonen trëppele kann. Och e Weier vu 70 Ar ass virgesinn. Soss ginn ë. a. e Pavillon, e Restaurant an en Aussiichtstuerm amenagéiert, souwéi eng grouss Spillplaz an en Areal mat Fitnessapparaten. Weider sollen e Wéngert, eng Wiss fir Hënn an eng fir ze Picknicken dohi kommen. Am ganze 4,5 km Weeër fir Foussgänger a Vëloe ginn derduerch, déi de Park mat de Stroosse ronderëm verbannen.

Den Amenagement soll 15,99 Milliounen Euro kaschten[4].

D'Preparatiounsaarbechte fir de Park unzeleeën hunn am Mäerz 2020 ugefaangen.

Um SpaweckÄnneren

Commons: Gaasperecher Park – Biller, Videoen oder Audiodateien
  • Nadine Schartz, Grüne Lunge im grauen Ban op wort.lu den 1. November 2018 an ënner dem Titel „Grüne Aussichten“ an der Drockversioun vum Wort den 31. Oktober 2018, Säit 17.

Referenzen an NottenÄnneren

  1. geoportail.lu
  2. Nadine Schartz: "Der Ban wird lebendiger." wort.lu, 23.03.2019.
  3. Quell, wou net anescht uginn: Céline Coubray: "Le vert sera de mise au Ban de Gasperich." paperjam.lu, 1 Septembre 2017.
  4. 4,0 4,1 Nadine Schartz, „Grüne Lunge im grauen Ban“ um Spaweck