Europäesche Comité vun de Regiounen

Den Europäesche Comité vun de Regiounen, deen duerch de Maastrichter Traité geschaf gouf, besteet aus 329 Representante vu regionalen a lokale Kierperschaften, déi vun den EU-Memberstaate proposéiert a vum Conseil vun der Europäescher Unioun op 4 Joer ernannt ginn. Hien huet säi Sëtz zu Bréissel.

Logo

Sëtz vum CvdR, am Jacques-Delors-Gebai zu Bréissel.

D'Lëtzebuerger Membere sinn: Simone Beissel, Roby Biwer, Tom Jungen an Natalie Silva. Ersatzmembere sinn: Liane Felten, Linda Gaasch, Carole Hartmann, Vincent Reding, Jacqueline Breurer a Stephen de Ron (Stand: Abrëll 2024).

D'Europäesch Kommissioun an de Conseil mussen de Comité vun de Regioune consultéieren, wann et ëm legislativ Propositioune geet, déi fir d'Regioune relevant sinn. Dorënner falen d'Educatioun, d'Kultur, d'ëffentlech Gesondheet, d'Trans-europäesch Netzer an d'Kohesiouns- a Strukturfongen (also deen Deel vum EU-Budget, mat deem an deene méi aarme Géigende Bau- oder soss Projeten ënnerstëtzt ginn). De Comité kann och vu sech aus Resolutiounen unhuelen.

Intern organiséiert e sech a 6 Kommissiounen, déi den Theemen no Projete vun den Avisen oder de Resolutiounen ausschaffen, déi da vun allen ofgestëmmt ginn.

Kuckt och

• Institutioune vun der Europäescher Unioun

Um Spaweck

• Websäit vum Comité vun de Regiounen

Portal EU – All d'Artikelen op der Wikipedia iwwer d'Europäesch Unioun.