Emile Molling
De Pierre genannt Emile Molling, gebuer den 19. November 1889 zu Blaaschent, a gestuerwen den 21. Mäerz 1971 zu Glen Cove, New York, war e lëtzebuergesche Schoulmeeschter an Ornitholog.[1]
| Emile Molling | |
|---|---|
| Gebuer |
19. November 1889 Blaaschent |
| Gestuerwen | 21. Mäerz 1971 |
| Nationalitéit | Lëtzebuerg |
| Aktivitéit | Enseignant |
 | |
Den Emile Molling huet d'Normalschoul gemaach. Dono war hie Schoulmeeschter zu Dellen (1912/1913), zu Beeler (vum Schouljoer 1913/14 un), a vum Schouljoer 1928/29 un zu Beetebuerg, bis zu senger Pensioun am Joer 1950.[2]
De Molling huet sech vun 1929 am Beetebuerger Mandolinneveräin (Cercle des mandolinistes) engagéiert, wou hie Course fir d'Instrument ze léiere ginn huet a kuerz duerno Dirigent vum Orchester gouf. Et heescht, de Molling hätt dem Baryton Fernand Koenig d'Basiswësse fir Gei ze spille bäibruecht.[2]
1934 war den Emile Molling war Grënnungsmember vum Beetebuerger Vulleschutzveräin, der lokaler Sektioun vun der Ligue luxembourgeoise pour la protection des oiseaux (haut natur&ëmwelt). Hie war de President vum Veräi vun 1934 bis 1962.[1]
De Molling, dee sech nieft de Vullen och nach mat Botanik ofginn huet, huet gär an der Natur fotograféiert, a munch vu senge Fotoe sinn am “Regulus”, dem Bulletin vun der Vulleschutzliga, publizéiert ginn.[3]
De Molling war Éieremember vun der Société des naturalistes luxembourgeois.[2]
Literatur
änneren- L.L.E.P.O., 1971 (Vorstand der Regionalgruppe Bettemburg). Emil Molling †. Regulus, Bd. 10, Nr. 11-12, September-Dezember 1971, S. 348-349.
- Massard, J.A., 2015. L'unique bulletin mensuel de la Société des naturalistes luxembourgeois (SNL) publié en 1940 et la numérisation des publications de la SNL par la Bibliothèque nationale de Luxembourg. Publié en ligne le 26 décembre 2015.
- Massard, J.A., 2016. L'unique bulletin mensuel de la Société des naturalistes luxembourgeois (SNL) publié en 1940 et la numérisation des publications de la SNL et de la Société de botanique par la Bibliothèque nationale de Luxembourg, avec des remarques biographiques sur le professeur Joseph Bisdorff, le géologue Paul Bleser et l'ornithologue Émile Molling. Bulletin de la Société des naturalistes luxembourgeois 118: 3-25.
- Massard, J.A., 2017. Émile Molling (1889-1971), instituteur à Bettembourg, ornithologue et amateur de botanique. In: Beetebuerg am Laf vun der Zäit, VI. Geschichtsfrënn aus der Gemeng Beetebuerg, Beetebuerg, S. 56-63.