Durbuy

Durbuy ass eng Stad a Gemeng an der belscher Provënz Lëtzebuerg, déi sech aus der Fusioun am Joer 1977 vu follgenden 12 Gemengen zesummesetzt: Barvaux-sur-Ourthe, Bende, Bomal, Borlon, Durbuy, Grandhan, Heyd, Izier, Septon, Tohogne, Villers-Sainte-Gertrude, Wéris.

Durbuy
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Marche-en-Famenne
Awunner	11.637 (1 Dezember 2021)
Fläch	15.661
Koordinaten	50° 21’ 10’’ N       05° 27’ 23’’ O
Telefonszon	086
Postcode	6940
Websäit	https://durbuy.be

Zesummenhank mat Lëtzebuerg

Den Heinrich IV., Grof vu Lëtzebuerg an Namouer huet ëm 1150 d'Grofschaft Durbuy geierft, déi awer eréischt méi spéit, ënner dem Heinrich VII., definitiv u Lëtzebuerg gefall ass. 1331 huet Durbuy vum Jang de Blannen de Fräiheetsbréif kritt an huet zu de 15 Stied gehéiert déi an den ale lëtzebuergesche Stänn vertruede waren.

Duerch den Traité vu London gehéiert Durbuy zanter 1839 zur Belsch.

Zu Bouneweg erënnert eng Plaz (Place de Durbuy) un dësen Deel vun der lëtzebuergescher Geschicht.

Jumelagen

Durbuy ass jumeléiert mat:

Hanyu	Japan
Nieuwpoort	Belsch
Östhammar	Schweden

Um Spaweck

Commons: Durbuy – Biller, Videoen oder Audiodateien

• (fr) Offiziell Säit vun der Stad Durbuy

Schlass vun de Grofe vun Ursel