Draco-Zwerggalaxie
D'Draco-Zwerggalaxie ass eng elliptesch Zwerggalaxie, gehéiert zu der lokaler Grupp an ass e Begleeder vun der Mëllechstrooss op enger Distanz vun 280.000 Liichtjoer. D'Zuel vun de Stären an der Draco-Zwerggalaxie gëtt op ongeféier dräi Millioune geschat. Si gouf vum Albert G. Wilson um Lowell-Observatoire am Joer 1954 entdeckt. Hiren Numm leet sech vun hirer Positioun of, well si am Stärebild Draco (Draach) steet.
 Foto opgeholl vum Hubble weist d'Zentralgebitt vun der Draco-Zwerggalaxie | |
| Stärebild | Draco (Dra) |
|---|---|
| Positioun fir d'Equinoxe J2000.0 | |
| Rektaszensioun | 17h 20m 06s |
| Deklinatioun | + 57° 55' 00" |
| Ausgesinn | |
| Hubble-Sequenz | dE0; Peculiar; Dwarf |
| Visuell Magnitude | + 9,9 mag mag |
| Wénkelduerchmiesser | 51/31 |
| Physikalesch Donnéeën | |
| Gehéiert zu | Lokal Grupp |
| Distanz (Lj) | ~ 280.000 Lj |
| Absolut Hellegkeet | - 9 mag |
| Absolutten Duerchmiesser | zirka 3000 bis 3500 |
| Geschicht | |
| Entdecker | Albert G. Wilson |
| Entdeckungsdatum | 1954 |
| Entdeckungsplaz | Lowell-Observatoire |
| Katalog- an Entdeckerbezeechnungen | |
| PGC | 60095 |
| UGC | 10822 |
D'Galaxie gouf vum Walter Baade, der Henrietta Hill Swope an dem Paul William Hodge an de Joren 1961 resp. 1964 op verännerlech Stären ënnersicht. Dobäi goufe méi wéi 260 Stären als verännerlech identifizéiert. Bis op 5 Stäre waren déi all vum Typ RR Lyrae. Fir hir Observatiounen hu si den Oschin-Schmidt Teleskop vum Palomar-Observatoire benotzt.
Nei Ënnersich vun der Draco-Zwerggalaxie hunn eng héich Vitessdispersioun bis wäit no baussen, souwéi e grousst Mass-Liicht-Verhältnes gewisen a leeën no, datt ëm d'Galaxie e groussen Halo aus donkeler Matière ass, déi d'Gréisst vum visuellen Deel iwwertreffen däerft. D'Draco-Zwerggalaxie kéint an Zukunft weider en interessante Fuerschungsobjet bleiwen a kéint Opschloss iwwer d'Natur vun donkeler Matière liwweren.
