Cube 521
De Cube 521 ass e Kultur- a Kongresszentrum zu Maarnech, deen den 18. November 2007 seng Dieren opgemaach huet. Den Numm kënnt dohier, datt d'Gebai un en Ensembel vu Cuben erënnert an op enger Héicht vu 521 Meter steet.
D'Gebai huet follgend Raimlechkeeten:
- Multifunktionelle Spektakelsall mat 250-300 Plazen
- Artistelogen
- 3 Raim fir Konferenzen a Prouwen
- Foyer mat Vestiaire a "Gedrénkscube"
- 3 Büroe fir d'Administratioun
De Cube gëtt vum Veräi Cube 521 asbl verwalt. Déi kënschtleresch Directrice ass zanter 2007 d'Odile Simon.
Aktivitéiten änneren
- De Cube fir d'Regioun: Musek, Theater, Ausstellungen an Danz ënner engem Dach.
- D'Regioun am Cube: eng Plattform fir d'kulturell Acteuren aus der Regioun.
- De jonke Cube: Konschtateliere fir Kanner a jonk Leit.
- De Cube op Rieder: De Programm vum Cube geet bei d'Leit, z. B. an d'Schoulen, an d'Altersheemer...
- Summer am Cube: e spezielle Vakanzeprogramm.
- De Klenge Maarnicher Festival am Cube: Eng Éiereplaz fir e Pionéier vun der kultureller Entwécklung am Éislek.
- De Konferenzzenter Cube: Symposia, Kongresser, Presentatiounen...
Geschicht vum Gebai änneren
- Bauhär: Gemeng Munzen;
- Architekt: Romain Hoffmann Architectes et Urbanistes sàrl, Lëtzebuerg;
- Entreprener: Prefalux S.A., Jonglënster.
De Projet gouf vu follgenden Instanze kofinanzéiert:
- Europäesch Unioun, Fonds européen de développement régional;
- Lëtzebuerger Staat, Kulturministère;
- Gemeng Munzen.
De Veräi Cube 521 asbl änneren
De Veräi Cube 521 gouf de 5. Oktober 2006 gegrënnt a krut per Konventioun vum 21. Abrëll 2007 d'Verwaltung vum Gebai vum Bauhär a Besëtzer Gemeng Munzen iwwerdroe.
Zum Verwaltungsrot vum Veräi gehéieren:
- Léon Braconnier, President
- Emile Eicher, Vizepresident
- Romain Kremer, Vizepresident
- Christian Kayser, Sekretär
- Nico Differding, Tresorier
- Memberen: Luc Braconnier, Romain Braquet, Mathias Coenjaerts, Marie-Josée Jacobs, Emile Lutgen, Herbert Maly, Jean-Paul Meyer, Roland Meyer, Anke Reitz, Jean-Paul Reitz, Christian Ries, Georges Ries, Marco Schank, Patrick Schnieder.
Illustratiounen änneren
-
D'Direktesch Odile Simon (2014) -
-
D'Bün an d'Tribün -
De Foyer virum Sall -
De Cube 521 am Niwwel
Um Spaweck änneren
| Commons: Cube 521 – Biller, Videoen oder Audiodateien |
- Websäit vum Cube 521 (fr) (de)
- D'Statute vum Veräi Cube 521 asbl op legilux.lu PDF (292 kB)