CoRoT-9 b

De CoRoT-9 b ass en Exoplanéit, dee ronn 1.500 Liichtjoer vun eiser Äerd ewechläit an de sonnenänleche Stär CoRoT-9 am Stärebild Serpens begleet.^[3]^,^[4]

Exoplanéit CoRoT-9 b
Exoplanéit CoRoT-9 b viru sengem Zentralstär (kënschtleresch Duerstellung)
Stärebild	Serpens (Ser)
Positioun (Equinoxe: J2000.0)
Rektaszensioun	18/43/09
Deklinatioun	+/06/12/15
Distanz vun der Äerd	1500 Lj 460
Physikalesch Eegenschaften
Duerchmiesser	(1,05 ± 0,04) R_J
Mass	(0,84 ± 0,07) M_J
Rotatiounsperiod	(95,2738 ± 0,0014) Deeg
Entdecker CoRoT-Weltraumteleskop, CNES^[1]
Entdeckungsdatum	17. Mäerz 2010^[2]
Bezeechnungen	CoRoT-9 b

Weider Detailer

Den Exoplanéit ass e Gasris deen an der Ausdeenung dem Jupiter gläicht, a besteet méiglecherweis haaptsächlech aus Waasserstoff an Helium. D'Klima vum Planéit huet zwar am Verglach zu de meeschten anere bis elo entdeckten Exoplanéite mat Temperature vu −20 bis +160 Grad Celsius keng grouss Temperaturënnerscheeder. Liewen, wéi mir et kennen, däerft et do awer net ginn, well et sech ëm e Gasplanéit handelt. Den Exoplanéit ëmkreest säin Zentralstär a bal dem selwechten Ofstand, wéi de Planéit Merkur d'Sonn a brauch fir en Tour ëm den Zentralstär 95 Äerddeeg.

Seng Entdeckung war duerch d'Transitmethod méiglech, well den Exoplanéit, vun der Äerd aus gesinn, direkt viru senger Sonn laanscht zitt. De Fuerschungssatellit CoRoT hat den Exoplanéit entdeckt. Dëst hat fir d'éischt spektroskopesch Ënnersich vun der Exoplanéiten-Atmosphär erméiglecht, wouduerch dëse Planéit och als Stee vu Rosetta fir d'Planéitefuerschung bezeechent gouf.^[5]