Charlotte Engels

D'Charlotte Jeanne Engels, gebuer den 21. Februar 1920 an der Stad Lëtzebuerg, a gestuerwen den 28. Oktober 1993 zu Issy-les-Moulinaux, war eng lëtzebuergesch Sculptrice, Molerin a Graphikerin.

Charlotte Engels
Gebuer	21. Februar 1920 Lëtzebuerg
Gestuerwen	28. Oktober 1993 Issy-les-Moulineaux
Nationalitéit	Lëtzebuerg
Aktivitéit	Sculpteur, Moler, Graphiker

D'Charlotte Engels huet zanter 1954 zu Paräis gelieft. Si huet ë. a. och Medailen, Mënzen, Timberen a Geldschäiner entworf.

1952 huet si de Prix Grand-Duc Adolphe kritt.

Zu Eech krut eng Strooss, d'rue Charlotte Engels, der Kënschtlerin hiren Numm.

Wierker

• Skulptur L'envol beim Fluchhafe Lëtzebuerg um Findel (gouf 2003 ewechgeholl an 2010 erëm opgeriicht)
• Skulptur La famille um Kierchbierg
• Skulptur La porteuse d'eau am SEBES-Gebai zu Esch-Sauer
• Buste am Bronz vum Groussherzog Jean am Chamber-Gebai an der Stad Lëtzebuerg
• Buste am Bronz vum Pierre Teilhard de Chardin am Muséum national d'histoire naturelle zu Paräis
• Relief vun enger Kräizegungsszene an der Mëtt vum Haaptaltor (a Kräizwee?) an der Kierch zu Steenem
• Wopen iwwer dem Haaptportal vun der Basilika zu Iechternach
• Medail xxx' anniversaire de l'appel du 18 juin 1940 (1970)
• Medail Populorum progressio (1970)
• Medail Dmitri Mendelïev (1974)
• Medail Hommage à Jean Meybeck (1975)
• Medail Spinoza - DEUS SIVE NATURA (1979)

Gielchen

• Officier vum Ordre de Mérite du Grand-Duché de Luxembourg (Promotioun 1974)

Literatur

• Eischen, Linda, 2010. La Collection Luxembourgeoise du Musée National d'Histoire et d'Art: Charlotte Engels. ons stad 94: 65-67. PDF

Kuckt och

• Lëscht vu lëtzebuergesche Konschtschafenden