Algieba (Stär)

Den Algieba ass de Stär γ Leonis am Stärebild Leo. Den Numm Algieba staamt aus dem Arabeschen a bedeit souvill wéi D'Kréng vum Léiw.

Kaart vum Stärebild Leo (Léiw). Déi rout gestréchelt Linn stellt d'Ekliptik duer

Den Algieba ass a klengen Teleskopen (vu 5 Zentimeter Objektivduerchmiesser un) opléisbar als Duebelstär. De Wénkelofstand vun de Komponenten ass 4,4", de Positiounswénkel 125 Grad.

Den Haaptstär huet eng visuell Magnitude vu +2,61 mag a gehéiert zu der Spektralklass K1-IIIb. Den Haaptstär ass nëmmen zirka 3.700 Kelvin waarm an huet déi 180-fach Liichtkraaft vun eiser Sonn. Doraus léisst sech duerch eng Formel errechnen, datt den Haaptstär (Algieba) den 22,7 fachen Duerchmesser vun eiser Sonn huet. De Begleeder huet eng Hellegkeet vu +3,80 mag a gehéiert zu der Spektralklass G7-III.

Koordinate fir d'Equinoxe J2000.0:

Haaptstär

• Rektaszensioun 10h19m58.3s
• Deklinatioun +19°50'30"

Begleeder

• Rektaszensioun 10h19m58.6s
• Deklinatioun +19°50'25"

Kuckt och

Portal Astronomie

• ABC vun de Stären
• Gréisst Stären
• Noost Stären
• Hellst Stären
• Verännerlech Stären
• Hallefreegelméisseg verännerlech Stären
• Lues onreegelméisseg verännerlech Stären
• Konstellatioun
• Hyperris
• Supernova

Um Spaweck

• (de) Gamma Leonis