Alexandra vu Lëtzebuerg

Alexandra vu Lëtzebuerg
Alexandra vu Lëtzebuerg
	D'Prinzessin Alexandra (2008)
Titelen
Biographie
Gebuer	16. Februar 1991; Lëtzebuerg
Bestuet mat	Nicolas Bagory
Papp	Henri vu Lëtzebuerg
Mamm	Maria Teresa Mestre
Geschwëster	Guillaume vu Lëtzebuerg, Félix vu Lëtzebuerg, Louis vu Lëtzebuerg, Sébastien vu Lëtzebuerg

D'Alexandra Joséphine Teresa Charlotte Marie Wilhelmine vu Lëtzebuerg, gebuer de 16. Februar 1991 an der Maternité Grande-Duchesse Charlotte zu Lëtzebuerg, ass Prinzessin vu Lëtzebuerg a Prinzessin vun Nassau a Bourbon-Parma.

Liewen änneren

Si ass dat véiert Kand an eenzeg Duechter vum Groussherzog Henri a senger Fra, der Groussherzogin Maria Teresa. Si ass d'Giedel vum Prënz Gabriel.

D'Prinzessin Alexandra ass zanter 2009 Titulaire vum Ordre du Lion d'or de la Maison de Nassau.

Den 22. Abrëll 2023 gouf si op der Gemeng vun der Stad Lëtzebuerg mam Fransous Nicolas Bagory bestuet, deen den 11. November 1988 an der Bretagne gebuer gouf. Eng Woch drop, den 29. Abrëll hu si sech an der Kierch Saint-Trophyme zu Bormes-les-Mimosas bestuet^[1]^[2] a Presenz vum traditionalistesche Bëschof vu Fréjus-Toulon, dem Monseigneur Dominique Rey^[3], dee politesch dem Rassemblement national nosteet an dem apostouleschen Nuntius Franco Coppola, deen d'Hochzäitsmass presidéiert huet.

Studium änneren

No der Primärschoul zu Angelsbierg huet si hire Secondaire zu Lëtzebuerg am Lycée Vauban gemaach wou se 2009 den Ofschlossdiplom krut.

Si huet duerno Psychologie a Sozialwëssenschaften an den USA studéiert an duerno e Philosophieofschloss zu Paräis gemaach, mam Schwéierpunkt Eethik an Anthropologie. Si huet duerno hire Studium um Trinity College zu Dublin ofgeschloss.

Zanter 2017 huet Si e Master an interreliéise Studie vun der Irish School of Ecumenics mat enger Spezialisatioun an der Konfliktléisung.

Patronagen änneren

D'Prinzessin Alexandra iwwerhëlt e Patronage vun der Lëtzebuerger Déiereschutzliga an der Lëtzebuerger Blannevereenegung.

Fräizäit änneren

D'Prinzessin Alexandra beschäftegt sech mat Literatur a frieme Kulturen. Si mécht Sport an huet eng Zäit laang gedanzt a geturnt. Hautdesdaags spillt se Tennis, fiert Schi a Waasserschi.

Gielercher änneren

Um Spaweck änneren

Commons: Alexandra vu Lëtzebuerg – Biller, Videoen oder Audiodateien

Biographie vun der Prinzessin Alexandra vu Lëtzebuerg(fr)

Referenzen änneren

↑ Offiziell Fotoen an exklusive Video. D'Prinzessin Alexandra an den Nicolas Bagory hu fir d'Zweet "Jo" gesot.. rtl.lu (30.4.2023). Gekuckt de(n) 1.5.2023.
↑ Prinzessin Alexandra und Prinz Nicolas. Die schönsten Bilder der kirchlichen Trauung - Ein Rückblick.. wort.lu (30.4.2023). Gekuckt de(n) 1.5.2023.
↑ (fr)Luc Caregari, Cour grand-ducale, L'évêque qui crée la controverse. Reporter.lu [€] (11.5.2023). Gekuckt de(n) 11.5.2023.

[1] Offiziell Fotoen an exklusive Video. D'Prinzessin Alexandra an den Nicolas Bagory hu fir d'Zweet "Jo" gesot.. rtl.lu (30.4.2023). Gekuckt de(n) 1.5.2023.

[2] Prinzessin Alexandra und Prinz Nicolas. Die schönsten Bilder der kirchlichen Trauung - Ein Rückblick.. wort.lu (30.4.2023). Gekuckt de(n) 1.5.2023.

[3] (fr)Luc Caregari, Cour grand-ducale, L'évêque qui crée la controverse. Reporter.lu [€] (11.5.2023). Gekuckt de(n) 11.5.2023.

[1]

[2]

[3]