Adrien-Ries-Pad

Adrien-Ries-Pad
	Den Däiwelselter bei Dikrech
	Iwwersiicht vum Pad
vu(n)	Ettelbréck
op	Ettelbréck
Längt	50,80 km
déifste Punkt	Bettenduerf
héchste Punkt	Mäerzeg
Land	Lëtzebuerg
féiert duerch	Bettenduerf,; Colmer-Bierg,; Dikrech,; Ierpeldeng op der Sauer,; Ettelbréck,; Schieren,; Mäerzeg,; Feelen

Den Adrien-Ries-Pad, offiziell Sentier pédestre national Adrien Ries, ass ee vun den nationale Wanderweeër zu Lëtzebuerg.

Streck

De Pad ass 50,80 km laang a féiert als Circuit ronderëm d'Nordstad, vun Ettelbréck op Ettelbréck. Den déifste Punkt (184,94 m) ass zu Bettenduerf an den héchsten (385,32 m) zu Mäerzeg (Useldenger Fréin)^[1].

E féiert laanscht oder duerch follgend Uertschaften: Ettelbréck, Ierpeldeng, Dikrech, Gilsdref, Bettenduerf, Gilsdref, Schieren, Colmer-Bierg, Schass (X CR305), Ettelbréck.

De Pad gouf am Joer 2008 provisoresch ugeluecht an hat deemools eng Längt vu 45 km^[2]. 2012-2013 gouf en iwwerschafft an am Summer 2013 finaliséiert.

De Wanderwee ass nom fréiere Jurist, Ekonomist an Auteur Adrien Ries (1933-1991) genannt ginn, deen 1970 de Begrëff "Nordstad" an d'Welt gesat huet an 1973 dat éischt Konzept vun der Nordstad als drëtten Entwécklungspol vu Lëtzebuerg nieft der Stad Lëtzebuerg an der Regioun Esch-Uelzecht virgeluecht huet.