(367943) Duende

Den (367943) Duende (provisoresch Bezeechnung: 2012 DA₁₄) ass en Äerdnoen Asteroid aus der Grupp vun den Aten-Asteroiden, dee bis de 15. Februar 2013 zu den Apollo-Asteroide gezielt huet. E gouf den 23. Februar 2012 um OAM Observatoire vu La Sagra a Spuenien entdeckt. En huet e geschaten Duerchmiesser vu 46 Meter (no aneren Donnéeën: 58 Meter) an eng Mass vu ronn 130.000 Tonnen.

(367943) Duende

Eegenschafte vum Orbit
Orbittyp	Aten-Asteroid
Bezuchspositioun	Equinoxe: J2000.0
Grouss Hallefachs	1,0018 A.E.
Exzentrizitéit	0,1081
Sideresch Ëmlafzäit	1,00 a
Inklinatioun	10,3369 Grad
Physikalesch Eegenschaften
Duerchmiesser	zirka 46 m
Mass	zirka 130.000.000 kg
Absolut Hellegkeet	24,4M
Entdeckung
Entdecker	Observatorio Astronómico de La Sagra
Entdeckungsdatum	23. Februar 2012
Plaz	Observatorio Astronómico de La Sagra

Rendez-vous am Februar 2013

Den (367943) Duende koum de 15. Februar 2013 bis op ronn 27.700 km un eis Äerd erun (0,00016 AE), wat bannent der Ëmlafbunn vun de geostationäre Satellitte läit.

Den Asteroid hat eng visuell Magnitude vu 7,4 mag a war dofir net mat bloussem A ze gesinn. Déi klengst Distanz zu der Äerd gouf um 20:24 Auer (MEZ) iwwer Sumatra am ëstlechen Indeschen Ozean erreecht. Duerch den noe Rendez-vous mat der Äerd huet d'Ëmlafbunn vum Asteroid sech geännert. E gëtt dofir net méi zum Apollotyp, mä zu den Aten-Asteroide gezielt.

Kuckt och

Portal Astronomie

• Lëscht vun äerdnoen Asteroiden
• 2008 TC3 – den éischten Asteroid, deem säin Aschlag op der Äerd am Viraus berechent gouf.

Um Spaweck

• Physikalische Merkmale von 2012 DA₁₄ op nasa.gov
• Aschlagswahrscheinlechkeet vun 2012 DA₁₄ op nasa.gov
• spaceweather.com Archiv 24.012.2012
• NASA Record Setting Asteroid Flyby 28. Januar 2013
• Sterne und Weltraum Asteroid 2012 DA14 schrammt an der Erde vorbei 6. Februar 2013