William Henry Pickering
De William Henry Pickering, gebuer de 15. Februar 1858 zu Boston, a gestuerwen, de 17. Januar 1938 zu Mandeville, Jamaika, huet an den USA als Astronom geschafft.
| William Henry Pickering | |
|---|---|
 | |
| Gebuer |
15. Februar 1858 Boston |
| Gestuerwen | 17. Januar 1938 |
| Nationalitéit | USA |
| Educatioun | Massachusetts Institute of Technology |
| Aktivitéit | Astronom |
| Member vun | American Academy of Arts and Sciences |
| Famill | |
| Geschwëster | Edward Charles Pickering |
 | |
De Pickering huet sech haaptsächlech fir d'Planéiten an d'Mounde vum Sonnesystem intresséiert - ganz anescht wéi säi Brudder Edward Charles Pickering (1846-1919), den zu Harvard duerch d'Erfuerschung vu verännerleche Stäre bekannt gouf.
De Pickering huet 1891 am Peru en Observatoire gebaut, an 1894 dat fir de Percival Lowell zu Flagstaff am Arizona. Am Peru entdeckt hien 1898 de Phoebe, den 9. Mound vum Saturn, deen de Planéit réckleefeg ëmkreesst. Am Joer 1905 huet hien d'Entdeckung vun engem 10. Mound bekannt ginn: hien huet en „Themis“ genannt. Dëse stellt sech awer spéider als net existent eraus.
Well hien 1919 e baussenzegen Transneptun an der Nues hat, huet de William Pickering d'Bunnstéierunge beim Planéit Neptun analyséiert, an huet sou zu der Entdeckung vum "Planet X" (Pluto) bäigedroen.
Weider Fuerschungstheme vum Pickering waren d'Formatiounen an d'Krateranalyse vum Äerdmound, Photometrie, Meteoreschwäerm an d'cheemesch Zesummesetzung vu Meteoriten.
Bekannt Bicher vum Pickering sinn: "The Moon" (1903) an "Mars" (1921).
E Krater op dem Mound ass no him an no sengem Brudder Edward Charles Pickering benannt, souwéi den Asteroid Pickeringia.
Kuckt och
änneren
Um Spaweck
änneren- http://www.daviddarling.info/encyclopedia/P/PickeringWH.html
- JRASC 32 (1938) 157 (one paragraph)
- MNRAS 99 (1939) 328
- PASP 50 (1938) 122 (mat engem Bild vum W.H.Pickering)