Waassertuerm zu Dol

49° 56’ 08.71’’ N 05° 58’ 06.18’’ O

De Waassertuerm zu Dol an der Gemeng Géisdref versuergt d'Dierfer Dol, Géisdref, Nacher, Boukels a Masseler mat Drénkwaasser.

Den Tuerm steet am Weste vun der Uertschaft, do wou d'Duerfstrooss (CR321A) op d'Wëltzerstrooss (CR321) stéisst^[1]. E steet op enger Héicht vu 494 Meter (NG-L). En ass 29 Meter héich a säi Baseng späichert 250 Meter-Kibb Waasser^[2]. De Waasserbehälter selwer steet op 4 Stäipen déi mat Schifersteng gebaut sinn. De pyramidefërmegen Daach ass mat Koffer gedeckt.

Um Fouss vum Tuerm ass e Schiferblock mat enger Informatiounsplack iwwer den Tuerm ze gesinn.

Den Tuerm gouf 1985 vun der Entreprise Fränz-a-Jang-Agnes^[3] vun Ettelbréck gebaut.

Kuckt och

Aner Waassertierm zu Lëtzebuerg:
- Waassertuerm zu Klengbetten
- Waassertuerm zu Stengefort

Um Spaweck

Websäit vun der Gemeng Géisdref mat Donnéeën iwwer de Waassertuerm zu Dol

Referenzen an Notten

↑ Cf. d'Strooseschëlter op der Plaz (Juli 2012)
↑ Cf. d'Infoplack beim Tuerm. D'Websäit vun der Gemeng Géisdref gëtt aner Zuelen un: 27 m fir d'Héicht an 220 m³ fir de Waasserbaséng (gelies de 26. Juli 2012).
↑ Zanter 2007: Agnes Constructions succ. S.A.

[1] Cf. d'Strooseschëlter op der Plaz (Juli 2012)

[2] Cf. d'Infoplack beim Tuerm. D'Websäit vun der Gemeng Géisdref gëtt aner Zuelen un: 27 m fir d'Héicht an 220 m³ fir de Waasserbaséng (gelies de 26. Juli 2012).

[3] Zanter 2007: Agnes Constructions succ. S.A.

[1]

[2]

[3]