Val de Hamm

Den Hammer Dällchen, offiziell Val de Hamm ass eng Strooss an de Quartiere Polvermillen an Hamm vun der Stad Lëtzebuerg. Se leeft op der ganzer Längt iwwer d'Nationalstrooss 2 vun der Polvermillen als Verlängerung vum Boulevard Général Patton a Richtung Nordoste bis bei den Iergäertchen.

Val de Hamm

Am Hammer Dällchen, a Richtung Polvermille gekuckt
Offiziellen Numm	Val de Hamm
Ënnerhal vu(n)	Administration des ponts et chaussées
Situatioun
Land	Lëtzebuerg
Gemeng	Lëtzebuerg
Quartier(en)	Hamm, Polvermillen
Deel vun	Nationalstrooss 2
Postcode	1714
Koordinaten	49°36'50,26"N, 6°9'50,83"O
Morphologie
Längt	2.190 m
Héicht i. M.	307 m
Geschicht

Geschicht

De fréiere Flouernumm „Fetschendall“ ass aus dem allgemenge Sproochgebrauch verschwonnen, och wann de „Fetschenhaff“ nach am Gebrauch ass. Deen Numm gouf ofgeleet vum „Fetschebuer“, enger Quell déi net wäit ewech vun Hamm – am haitegen Äppelwee – entspréngt an eng vun de Quelle vun der Polvermillen ass. Haut geet just nach rieds vum „Hammer Dällchen“, woubäi et sech heibäi ëm e falschen Numm handelt, dee sech iwwer d'Zäit aus dem fréieren „Hammer Ställchen“ erginn huet. „Ställchen“ leet sech vum mëttelhoudäitschen „stal“ of, enger Plaz wou d'Waasser sech staut.

Aus dem „Hammer Dällchen“ ass 1925 den offiziellen Numm „Val de Hamm“ entstanen.

Um Spaweck

Commons: Val de Hamm – Biller, Videoen oder Audiodateien