Utopia Planitia

D'Utopia Planitia ass e grousst déift Flaachland um Planéit Mars an en Deel vun der nërdlecher Déiflandhemisphär.

Déift Flaachland um Mars Utopia Planitia
Bléck vum Lander Viking 2 op dat déift Flaachland Utopia
Koordinaten	49,7° N, 118° W
Längt	3200 km
Alter	4.200.000.000 Joer
Regioun	Cebrenia (Gradsektor)
Divers	-

Iwwerbléck

Den Zentrum vum Utopia Flaachland läit bei 49,7° nërdlecher Breet an 118° ëstlecher Längt. D'Flaachland streckt sech gréisstendeels no Osten a Westen; säi gréissten Duerchmiesser ass 3200 Kilometer. Südëstlech grenzt d'Flaachland un den Elysium Planitia. Den Numm Utopia – Griichesch: Keeland – staamt vun enger Bezeechnung fir eng Albedoformatioun.

De Lander vun der Raumsond Viking 2 war den 3. September 1976 am Utopia Planitia westlech vum Krater Mie gelant, dem bedeitendsten Aschlagkrater am Utopia – an hat bis am Joer 1980 Fotoen a wëssenschaftlech Date vun der Marsuewerfläch geliwwert. Mat sengem Buedemradar SHARAD hat déi amerikanesch Marssond Mars Reconnaissance Orbiter vill Waasseräis am Ënnergrond vum Utopia Planitia entdeckt. Déi ënnerierdesch Äisschicht ass tëscht 80 an 170 Meter déck a läit nëmmen ee bis zéng Meter ënner der Uewerfläch.

Entwécklung

Et gëtt als zimmlech warscheinlech ugeholl, datt dat déift Flaachland Utopia Planitia selwer och en Aschlagkrater ass. Viru ronn 4,2 Mrd. Joer gouf de Mars vun enger Rei vu groussen Asteroide getraff, mat Duerchmiesser tëscht 180 km a 460 km (zum Verglach: Deen anscheinend fir d'Ausstierwe vun den Dinosaurier viru 65 Mio. Joer verantwortlechen Asteroid hat en Duerchmiesser vun nëmme ronn 10 km an hat am Golf vu Mexiko um Rand vun der Yukatan-Hallefinsel dee ronn 180 km grousse Chicxulub-Krater hannerlooss).

D'MOLA Kaart weist d'Grenze vum Utopia Planitia a vun anere Regiounen.

Kuckt och

Portal Astronomie

Um Spaweck

• Astronews.com: Zwéin Dallsystemer an Utopia Planitia. Mars Express, 4. August 2006