Tycho (Moundkrater)

Den Tycho ass e Krater um Äerdmound, dee vum Giovanni Riccioli nom däneschen Astronom Tycho Brahe genannt gouf. Et ass ee vun de bedeitendste Moundkrateren.

Tycho

Foto vum Tycho-Krater (LROC-WAC)
Koordinaten	43°18'0"S, 11°13'12"W
Duerchmiesser	85 km
Déift	4800 m
Selenographesch Längt	12° bei Sonnenopgank
Genannt no	Tycho Brahe
Genannt am Joer	1935
Moundvéiereck	LQ26

Lag an Eegenschaften

Positioun vum Tycho

Krater Tycho mat sengem Stralesystem bei héijem Sonnestand

De Krater Tycho mat sengem Stralesystem

Den Tycho ass en opfällege Krater an de südlechen Héichfläche vun der äerdzougedréiter Moundsäit. Hie läit mat sengem Zentrum bei 43,3° südlecher selenographescher Breet an 11,2° westlecher Längt, an der Géigend vum Mare Nubium. Säin Duerchmiesser ass 85 Kilometer. Seng Déift ass am Verglach mat anere Moundkrater bemierkenswäert ausgeprägt a méisst vun de Ramplishéichten 4850 Meter. De banneschten Hank vum Rampli ass terrasséiert an huet eng Schréi vu 34 Grad. De baussenzegen Hank ass 26 Grad schréi. An den Häng an um Kraterbuedem weise sech verstengert Lavaflëss. Vum Kraterbuedem hieft sech en zentraalt Biergmassiv, ee sougenannte Zentralbierg, bis an eng Héicht vu mindestens 1600 Meter; hien huet e vulkanesche Kegel a Kamäiner.

Den Tycho huet e ganz helle Banneberäich an ass doriwwer eraus den Zentrum vum hellsten an ausgedeentste Stralesystem um Mound, dat e groussen Deel vun der viischter Moundsäit iwwerzitt an hie wuel zum bekanntste Stralekrater mécht. An engem vun de Strale vum Tycho war d'Landeplaz vun Apollo 17. Unhand vun de Moundprouwen déi matbruecht goufen, vu polveregem an haaptsächlech glaspärelaartegem Material gouf den Alter op ronn 100 Millioune Joer bestëmmt a säin Entstoen op den Ausworf vun engem groussen explosiounsaartegen Aschlag op der Plaz vum Tycho zeréckgefouert.

Um Nordrand vum Krater war d'Surveyor 7 gelant. Am Zesummenhank mam Tycho gëtt et eng Rei vu Berichter iwwer den TLPs.

Lëscht vun den Niewekrateren

Buschtaf/Numm	Positioun	Duerchmiesser	Link
A	39,94° S, 12,13° W7	29 km	[1]
B	43,99° S, 14,04° W7	14 km	[2]
C	44,17° S, 13,62° W7	7 km	[3]
D	45,57° S, 14,18° W7	26 km	[4]
E	42,33° S, 13,72° W7	13 km	[5]
F	40,92° S, 13,25° W7	17 km	[6]
H	45,29° S, 16,05° W7	8 km	[7]
J	42,59° S, 15,54° W7	11 km	[8]
K	45,18° S, 14,51° W7	6 km	[9]
P	45,42° S, 13,16° W7	8 km	[10]
Q	42,51° S, 16,11° W7	20 km	[11]
R	41,88° S, 13,8° W7	6 km	[12]
S	43,48° S, 16,42° W7	3 km	[13]
T	41,19° S, 12,68° W7	13 km	[14]
U	41,05° S, 13,93° W7	16 km	[15]
V	41,72° S, 15,53° W7	4 km	[16]
W	43,28° S, 15,5° W7	20 km	[17]
X	43,85° S, 15,36° W7	12 km	[18]
Y	44,09° S, 15,98° W7	18 km	[19]
Z	43,23° S, 16,44° W7	23 km	[20]

Kuckt och

Portal Astronomie

• Lëscht vun de Maria um Äerdmound
• Lëscht vun Däller um Äerdmound
• Lëscht vun den Äerdmoundkrateren
• Lëscht vu Rillestrukturen um Äerdmound
• Lëscht vu Bierger um Äerdmound
• Südpol-Aitken-Becken

Literatur

• Gerald North: Den Mond beobachten. Spektrum, Akademischer Verlag, Heidelberg - Berlin 2003. ISBN 3-8274-1328-1
• Rolf Sauermost (Hrsg.): Lexikon der Astronomie. Die große Enzyklopädie der Weltraumforschung. In 2 Bänden. Herder, Freiburg - Basel - Wien 1989f. ISBN 3-451-21632-9
• Antonín Rükl: Mondatlas. Werner Dausien, Hanau 1990. ISBN 3-7684-2047-7

Um Spaweck

Commons: Tycho – Biller, Videoen oder Audiodateien

• [21] (Animéierte Rondfluch am Krater op Basis vun Date vun der japanescher Sond KAGUYA)
• (de) SkyTrip.de: Tycho
• (en) The-moon.wikispaces.com: Tycho
• E Groussbild vum Tycho gemaach vun der Raumsond Clementine
• The Floor of Tycho Crater NASA Lunar Reconnaissance Orbiter
• Moundkaart 112: De Krater Tycho läit ënne lénks