Stirling-Monument bei Käerch

D'Stirling-Monument bei Käerch ass e Monument am Flouer Grënnen, dat op Initiativ vum deemolege Buergermeeschter Robert Goniva zanter Juni 1989 drun erënnert, datt op där Plaz den 10./11. Abrëll 1943 e Stirling-Bommefliger, dee vun der däitscher Flak getraff gi war, erofgefall ass. De Fliger vun der 7. RAF-Schwadroun, war an der Géigend vu Saarbrécken beschoss ginn an huet Feier gefaangen. De Fliger huet un Héicht verluer an de Pilot huet eng Noutlandung probéiert, bei där déi siwe Mann Besatzung ëm d'Liewe koumern. Den Equipage konnt uganks net identifizéiert ginn.

Stirling-Monument bei Käerch

Typ	Krichsmonument
Land	Lëtzebuerg
Gemeng	Käerch
Koordinaten	49° 40’ 41.92’’ N       05° 57’ 23.22’’ E
Ageweit	4. Juni 1989

Eréischt zéng Joer méi spéit gouf dem Pilot seng Kap entdeckt an där den Numm F. A. Terry dra stoung. Mat där Informatioun war et du méiglech all d'Nimm vum Equipage ze bestëmmen.

D'Monument dat de 4. Juni 1989 ageweit gouf, besteet aus engem Fielsblock op deem eng bronze Plack mat den Nimm vun de Membere vum Equipage déi ëmkomm sinn ass.

Geographie

D'Monument steet am Bësch an der Gemeng Käerch, am Flouer Grënnen (oder an der Gënn), Loftlinn e knappse Kilometer nordëstlech vum Zentrum vu Käerch ewech. D'Plaz vum Monument ass vun der Rue du Moulin aus iwwer den Auto-pédestre Käerch 1 z'erreechen.

Equipage

Grad	Numm	Loftwaff	Plaz	Schicksal	Plaz vum Graf
Plt Off	E. A. Allen	RAFVR	Mid up gunner	⚔ 10/11.04.1943	Commonwealthgraf zu Hollerech
Sergeant	E. A. Barley	RAFVR	Rear gunner	⚔ 10/11.04.1943
Fg Off	P. G. Freburg	DFS RCAF	Navigateur	⚔ 10/11.04.1943
Plt Off	R. H. Genisis	DMF RAFVR	Mecanicien	⚔ 10/11.04.1943
WO	H. E. Nesbitt	RCAF	Air bomber	⚔ 10/11.04.1943
Plt Off	J. J. Ryder	RAFVR	Funker	⚔ 10/11.04.1943
Plt Off	F. A. Terry	RAFVR	Pilot	⚔ 10/11.04.1943

Biller

• 
• 
• 

Kuckt och

• Monumenter vum Zweete Weltkrich zu Lëtzebuerg

Um Spaweck

Commons: Stirling-Monument bei Käerch – Biller, Videoen oder Audiodateien