Scheierhaff (Veianen)

De Scheierhaff (lokal: Scheierhof) ass e Lieu-dit am Nordoste vu Veianen deen op enger Héicht vun 374 Meter läit. En huet den Numm vum Haff dee laang Zäit dat eenzegt Gebai do war. De Flouer vum Scheierhaff grenzt am Nordosten un Däitschland, am Süden un de Bësch mam Numm Déifendellt, am Südwesten ass den Hank vum Roupischbierg mat der Quell vun der Kalchesbaach. Am Nordweste läit de Bësch Greecht, an am Norden déi nei Cité Scheierhaff. Et kënnt een op de Scheierhaff iwwer den CR344 (Rue du Sanatorium), deen zu Veianen am Zentrum vun der N10 (Rue de la Gare) fortgeet.

Scheierhaff Scheierhof
De Scheierhaff bei Veianen
Aussprooch
An anere Sproochen	fr: Scheuerhof de: Scheuerhof
Land	Lëtzebuerg
Kanton	Veianen
Gemeng	Veianen
Buergermeeschter	François Weyrich
Fläch	318,1190 ha
Koordinaten	49° 56’ 21,9’’ N       06° 13’ 03,4’’ O

Cité Scheierhaff

D'Cité Scheierhaff besteet aus engem alen Deel, Al Cité, deen et zanter de spéiden 1980er Jore gëtt, an engem neien Deel, Nei Cité, deen am Laf vum éischte Joerzéngt vun den 2000er Joren entstanen ass. Dat Ganzt ass e Quartier vun der Stad Veianen, nordwestlech vum Scheierhaff.

Sanatorium

De fréiere Sanatorium, deen nordwestlech dovu läit, ass zanter 1979 e Fleegeheem, an deem 91 Leit kënnen opgeholl ginn a 27 Eenzel- an an 32 Zweebettzëmmeren.

Ronderëm de Scheierhaff gëtt et en ettlech Trëppeltier, an zu Fouss sinn et knapps zéng Minutte bis bei d'Schwämm déi 700 Meter westsüdwestlech dovun ewech läit.

Literatur

• Nico Muller: „Cité Scheierhof“ in Vianden - Aus der Enge geboren am Luxemburger Wort vum 20. Juli 2016, S.20 an op wort.lu vum 24. Juli 2016 Cité Scheierhof“ in Vianden: Aus der Enge geboren

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

De Scheierhaff bei Veianen - 03.04.2008

D'Cité Scheierhaff bei Veianen - 03.04.2008