Tunnel René-Konen
Den Tunnel René-Konen, am Volleksmond Helleg-Geescht-Tunnel, ass e Stroossentunnel an der Stad Lëtzebuerg, deen den 18. Juni 1988 offiziell ageweit gouf.
 | |
| Typ | Stroossentunnel |
|---|---|
| Strooss | N57 |
| Technesch Donnéeën | |
| Längt | 638,5 m |
| Déift | 2,5m bis 25 m |
| Réier | 1 |
| Kapp 1 Koordinaten |
Südportal 49° 36’ 29.4’’ N 06° 07’ 58.5’’ O |
| Kapp 2 Koordinaten |
Nordportal 49° 36’ 49.0’’ N 06° 07’ 55.3’’ O |
| Bau | |
| Bauzäit | 1983 - 1988 |
| Opgemaach fir de Verkéier | 18. Juni 1988 |
| Geographie | |
| Uertschaften | Lëtzebuerg-Uewerstad |
E féiert ënner der Alstad erduerch, an dat, mat engem Gefäll vu 7 %, vun der Aler Bréck, op der Héicht vun de der Cité judiciaire bis an den Eecher Bierg. En huet eng Längt vu 638,5 m an ass zweespuereg am Sens unique.
Geschicht
ännerenEng ënnerierdesch Verbindung tëscht der Aler Bréck an dem Eecher Bierg war schonn an de Regierungserklärunge vum 4. Juli 1974 a vum 24. Juli 1979 festgehale ginn. No enger Rëtsch Etüden huet d'Chamber de 4. November 1980 (mat 54 Stëmmen dofir an enger Abstentioun) de Gesetzesprojet gestëmmt, dass de Bau vun engem Tunnel soll an d'Lëscht vun de Bauprojeten opgeholl ginn. Den 2. Dezember 1980 gouf d'Gesetz dozou ugeholl. D'Bauaarbechten hunn 1983 ugefaangen. Den 13. Juli 1984 war e Stolle fäerdeg gebuert, soudatt d'Aarbechten un der Calotte konnten ufänken. Dës krut eng Breet vu 17,96 Meter an eng Héicht vun 9,97 Meter.[1]
Den offizielle franséischen Numm Tunnel René-Konen[2] krut den Tunnel eréischt mat engem Arrêté ministériel vum 5. November 1998[3] vum deemolege Minister fir ëffentlech Aarbechten, Robert Goebbels. En ass nom fréieren DP-Politiker a Bauteminister René Konen genannt.
Duerch den Tunnel féiert d'Nationalstrooss N57.
Kuckt och
ännerenUm Spaweck
änneren| Commons: Tunnel René-Konen – Biller, Videoen oder Audiodateien |
- Den Tunnel René-Konen op Structurae, der internationaler Datebank vu Bauwierker
- Brochure Le Tunnel du Saint-Esprit, Ministère des travaux publics et Ville de Luxembourg, 1988
Referenzen an Notten
änneren- ↑ Nadine Schartz: Ab durch die Mitte, wort.lu, 18.06.2018.
- ↑ Déi korrekt franséisch Schreifweis ass "Tunnel René-Konen" (mat Bindestréch) a gëtt hei am Artikel benotzt, och wann den Numm am Arrêté ouni Bindestréch geschriwwe gouf.
- ↑ Arrêté ministériel du 5 novembre 1998 portant dénomination de la jonction souterraine entre le Viaduc et la Côte d'Eich à Luxembourg. op legilux.lu, dem Droitsportal vun der Lëtzebuerger Regierung; fir d'lescht gekuckt den 21. Januar 2018