Regierung Santer-Poos II

D'Regierung Santer-Poos II ass eng Koalitiounsregierung aus CSV an LSAP, déi aus de Chamberwale vum 18. Juni 1989 ervirgaange war. Si ass den ass de 14. Juli 1989 vereedegt ginn an huet aus 10 Ministeren an 2 Staatssekretäre bestanen.

Den 9. Dezember 1992 koum et zu enger Regierungsëmbildung, wéi de René Steichen zum Member vun der Europäescher Kommissioun ernannt gouf, zoustänneg fir Landwirtschaft ënner dem President Jacques Delors. A seng Plaz koum d'Marie-Josée Jacobs.

Zesummesetzung

Jacques Santer (CSV): Premierminister; Staatsminister; Budgetsminister; Kulturminister
Jacques Poos (LSAP): Vizepremierminister; Ausseminister, Minister fir Aussenhandel a Kooperatioun; Arméiminister
Fernand Boden (CSV): Minister fir Famill a Solidaritéit; Minister fir de Mëttelstand an den Tourismus
Jean Spautz (CSV): Inneminister; Wunnengsbauminister a Minister fir Urbanismus
Jean-Claude Juncker: Finanzminister, Aarbechtsminister
Marc Fischbach (CSV): Erzéiungsminister; Justizminister; Minister vun der Ëffentecher Verwaltung
Johny Lahure (LSAP): Gesondheetsminister; Minister fir d'Sozial Sécherheet, Minister fir Sport, Minister fir Jugend.
René Steichen (CSV): Minister fir Landwirtschaft, Wäibau a Ländlech Entwécklung; Delegéierte Minister fir Kultur a Fuerschung (den 9. Dezember 1992 ersat duerch d'Marie-Josée Jacobs)
Robert Goebbels (LSAP): Wirtschaftsminister; Minister fir Ëffentlech Aarbechten; Transportminister
Alex Bodry (LSAP): Minister fir Landesplanung; Minister fir Energie; Minister fir Kommunikatioun.
Georges Wohlfart (LSAP): Staatssekretär fir Aussebezéiungen, Aussenhandel a Kooperatioun; Staatssekretär fir d'Arméi.
Mady Delvaux-Stehres (LSAP): Staatssekretärin fir Gesondheet a Sozialversécherung; Staatssekretärin fir Sport a Jugend.

Steve Bissen, Kleine Parteien auf dem Vormarsch op wort.lu den 23. August 2018 an an der Drockversioun vum Luxemburger Wort vum 27. August 2018, Säit 2