Philibert Jacques Melotte
britteschen Astronom
De Philibert Jacques Melotte, gebuer den 29. Januar 1880, a gestuerwen den 30. Mäerz 1961, war e britteschen Astronom.
| Philibert Jacques Melotte | |
|---|---|
| Gebuer | 29. Januar 1880 |
| Gestuerwen | 30. Mäerz 1961 |
| Nationalitéit | Vereenegt Kinnekräich |
| Aktivitéit | Astronom |
 | |
Seng Eltere stamen aus der Belsch a waren agewandert.
Am Joer 1908 huet hien en neie Jupitermound entdeckt, deen haut ënner dem Numm Pasiphae bekannt ass. Dësen Numm krut den Himmelskierper eréischt am Joer 1975, virdru gouf hie Jupitermound VIII genannt, well hien den aachten entdeckte Mound vum Jupiter war.
De 16. Januar 1909 huet de Melotte den Asteroid (676) Melitta entdeckt. Am Joer 1915 huet hien e Katalog vun 245 oppene Stärekéip a Kugelstärekéip zesummegestallt. Et ass e Katalog an deem vill grouss, a schonn mat bloussem A siichtbar Kéip wéi d'Hyaden, d'Hoer vun der Berenike an d'αPersei-Grupp stinn.
