Haaptmenü opmaachen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Den Nicolas Gonner-Nau, gebuer de 17. Oktober 1824 zu Rëmeleng an do gestuerwen den 21. August 1908, war de Grënner vun der Rëmelenger Schmelz, Minnenhär, Buergermeeschter vun der Gemeng Keel (1855-1860, 1867, 1868, 1873-1876, 1878-1884)[1] a Bauhär vum Rëmelenger Spidol.

Nicolas Gonner-Nau
Gebuer 17. Oktober 1824
Rëmeleng
Gestuerwen 21. August 1908
Rëmeleng
Nationalitéit Lëtzebuerg
Aktivitéit Politiker, Entreprener
Wikidata-logo-without-paddings.svg
Gebuertsschäin vum Nicolas Gonner 1824
Doudesschäin vum Nicolas Gonner 1908

Säi Familljenhaus war an der Kierfechtsstrooss. Säi Papp war de Michel Gonner (1776-1852) a seng Mamm d'Maria Orianne vu Miersch (1789-1855). Et däerf ugeholl ginn, datt scho säi Papp mat Wakeminett[2] (op Däitsch: Bohnerz) gehandelt huet, well schonn 1843 huet de Stot een Drëttel vun alle Steiere vun der Sektioun Rëmeleng bezuelt. Sengem 4 Joer eelere Brudder, dee bossegerweis och Nicolas geheescht huet, gouf nogesot e liichtliewege verwinnte Playboy ze sinn an him gouf no sengem Dout 1868 op Bedreiwe vum Bëschof e kierchlecht Begriefnes refuséiert.

A jonke Joren huet den Nicolas Gonner eng Plaz als Schreiwer bei engem Notär ugeholl. Wéi säi Papp 1852 gestuerwen ass, do ass en zréckkomm an huet de wuelsituéierte Familljenhaff iwwerholl. Gläichzäiteg hat en awer och erkannt, datt mat Minett grouss Geschäfter ze maache waren, an en huet en etlech Parzellen am Keeldall kaaft. 1872 war hie Matgrënner vun der Rëmelenger Schmelz, ënner dem Hutt vun der Aktiegesellschaft Gonner, Munier, Helson & Cie.

Den Nicolas Gonner gouf den 10. Mee 1853 mat der Maria Nau bestuet, der Schwëster vum Téitenger Schmatt Jean-Baptiste Nau[3]. Hiren eenzege Bouf, Gonnesch Batty, ass schonn am Alter vu 27 Joer gestuerwen, ouni bestuet gewiescht ze sinn. Hie gouf de 7. Juni 1844 als Naux Jean-Baptiste zu Rëmeleng als Meedercheskand vum Maria Naux (sic) gebuer an ass den 13. Juni 1871 zu Rolleng als Jean-Baptiste Gonner, Fils vum Nicolas Gonner an der Maria Nau (sic) gestuerwen.

Wéi den Nicolas Gonner 1908 am Alter vun 83 Joer gestuerwen ass, war keen direkten Ierwe méi do a säi gewaltegen Immobiliëbesëtz ass an de Joren 1911-1915 versteet ginn fir iwwer 50 wäitleefeg Ierwen ze zerwéieren.

ReferenzenÄnneren

  1. Lorang, F., 1985. Kayltaler Memorabilien, S. 159-161.
  2. Lorang, F., 1999. Bergbauliche Geschichtsblätter aus dem Land der Roten Erde. Zahlen, Daten, Fakten. Luxemburg, Gemeinde Kayl, S. 12.
  3. Kuerzbiographie vum Jean-Baptiste Nau