Ministère de l'Énergie et de l'Aménagement du territoire

De Ministère fir Energie a Landesplanung, dacks just Energieministère genannt, (fr: Ministère de l'Énergie et de l'Aménagement du territoire) war bis de 17. November 2023 e Ministère zu Lëtzebuerg. En huet engersäits d'Energiepolitik vum Land verfollegt a koordinéiert, haaptsächlech d'Ziler fir eng nohalteg energeetesch Versuergung sécherzestellen an en iwwerwaacht anersäits d'Koordinatioun vun de kommunalen, interkommunalen, nationalen an internationale Fachpoliticken, déi eng Auswierkung op d'Landesentwécklung hunn. En observéiert och de Suivi vun der raimlecher Entwécklung.

Ministère de l'Énergie et de l'Aménagement du territoire
Ministère fir Energie a Landesplanung
Land	Lëtzebuerg
Minister	Claude Turmes
Leedung	Claude Turmes
Verwaltungssëtz	Lëtzebuerg
Adress	4, place de l'Europe L-1499 Lëtzebuerg
Ënnersteet der/dem	Lëtzebuerger Regierung
Gegrënnt	5. Dezember 2018
Opgeléist	17. November 2023
Um Spaweck	https://mea.gouvernement.lu/fr.html, https://mea.gouvernement.lu/de.html, https://mea.gouvernement.lu/en.html, https://mea.gouvernement.lu/lb.html

De Ministère gouf vum Ministère fir Wirtschaft a vum Ministère fir Wunnengsbau a ländlechen Ausbau ersat.

Allgemenges

Den Energie-Departement war zoustänneg fir eng sécher Versuergung a follgende Beräicher bäizebehalen an ze stäerken:

• Stroum,
• Äerdgas,
• Fest a flësseg Brennstoffer,
• Erneierbar Energien,
• Energieeffizienz an Energiespuermesuren,
• Europäesch Politik an international Relatiounen,
• Promotioun vun den Aktivitéiten an den energeeteschen Technologien,
• Myenergy.

Déi eenzel Aktivitéitsberäicher vum Departement fir Landesplanung begräifen ë. a.:

• raimlech Strategien,
• verbindlech Pläng,
• stättesch a regional Entwécklung,
• Naturparken,
• grenziwwergräifend Landesplanung,
• europäesch territorial Zesummenaarbecht,
• international Landesplanungspolitik.

Kompetenz vum Ministère

D'Servicer a Verwaltungen déi ënnert der Kompetenz vum Energieministère waren, sinn am Arrêté grand-ducal vum 28. Mee 2019 festgehalen. Dozou gehéieren ë. a.:

• Encevo,
• Enovos,
• Creos,
• SEO,
• de Groupement d'intérêt économique myenergy,
• d'Naturparken.

Kuckt och

• Regierung (Lëtzebuerg)
• Lëscht vun de lëtzebuergeschen Energieministeren

Um Spaweck

Commons: Ministère de l'Énergie et de l'Aménagement du territoire – Biller, Videoen oder Audiodateien

• De Ministère op gouvernement.lu, der Websäit vun der Regierung