Kusttram

De Kusttram (hollännesch: kust = Küst) ass eng Tramslinn, déi all d'Uertschafte laanscht déi flämesch Nordmierküst matenaner verbënnt.

Kusttram

De Kusttram

Streckelängt:

67 km

Catenaire:

600 V

Aweiung:

1885 (1. Deel)

Linnen:

Tram, Sneltram

Halten:

67

Haaptstreck

		De Panne-Station (SNCB)
		De Panne-Plopsaland
		De Panne-Moeder Lambic
		De Panne-Kerk
		De Panne-Esplanade
		De Panne-Centrum
		De Panne-Golfstraat
		Koksijde-Sint-Idesbald
		Koksijde-Ster der Zee
		Koksijde-Bad
		Koksijde-Lejeunelaan
		Oostduinkerke-Schipgat
		Oostduinkerke-Bad
		Oostduinkerke-Duinpark
		Oostduinkerke-Groenedijk-Bad
		Nieuwpoort-Zonnebloem
		Nieuwpoort-Bad
		Nieuwpoort-Ysermonde
		Nieuwpoort-Cardijnlaan
		Nieuwpoort-Stad
		Lombardsijde-Schoolstraat
		Lombardsijde-Zeelaan
		Westende-Sint-Laureins
		Westende-Bad
		Westende-Belle Vue
		Middelkerke-Krokodiel
		Middelkerke-Verhaeghelaan
		Middelkerke-Casino
		Middelkerke-De Greefplein
		Raversijde-Domein Raversijde
		Oostende-Raversijde
		Oostende-Ravelingen
		Oostende-Mariakerke-Bad
		Oostende-Northlaan
		Oostende-Renbaan
		Oostende-Koninginnelaan
		Oostende-Marie-Joséplein
		Oostende-Station (SNCB)
		Oostende-Weg naar Vismijn
		Oostende-Duin & Zee
		Bredene-Aan Zee
		Bredene-Campings
		Bredene-Renbaan
		De Haan-Vosseslag
		De Haan-Preventorium
		De Haan-Aan Zee
		De Haan-Waterkasteellaan
		De Haan-Zwarte Kiezel
		Wenduine-Konijnenpad
		Wenduine-Molen
		Wenduine-Centrum
		Wenduine-Manitoba
		Wenduine-Harendijke
		Blankenberge-Markt
		Blankenberge-Station (SNCB)
		Blankenberge-Pier
		Blankenberge-Sealife-Floreal
		Blankenberge-Duinse Polders
		Zeebrugge-Strandwijk (SNCB)
		Zeebrugge-Vaart
		Zeebrugge-Kerk
		Zeebrugge-Zeeluis
		Heist-Dijk
		Heist-Heldenplein
		Heist-Duinbergen
		Knokke-Watertoren
		Knokke-Station (SNCB)

D'Streck

Mat enger Längt vu 67 Kilometer an 67 Halten ass et déi längst Tramslinn weltwäit. D'Schinnen hunn eng Spuerbreet vun 1000 mm an d'Catenaire gëtt mat 600 Volt Gläichstroum bedriwwen.

D'Streck verleeft vun Adinkerke no bei der franséischer Grenz, iwwer De Panne, Nieuwpoort, Oostende, Blankenberge a Zeebrugge bis op Knokke-Heist op der hollännescher Grenz.

Tëscht Oostende a Middelkerke leeft d'Streck laanscht d'Nordmierplage, anerwäerts leeft se duerch d'Dünen oder op bebautem Terrain.

Uertschafte mat den Tarifzonen

De Panne, Zone 1 (7 Halten)
Koksijde, Zone 2 (4 Halten)
Oostduinkerke, Zone 3 (4 Halten)
Nieuwpoort, Zone 4 (6 Halten)
Lombardsijde, Zone 5 (3 Halten)
Westende, Zone 5 (3 Halten)
Middelkerke, Zone 6 (4 Halten)
Raversijde, Zone 7 (1 Halt)

Oostende, Zone 8 (10 Halten)
Bredene, Zone 9 (3 Halten)
De Haan, Zone 10 (5 Halten)
Wenduine, Zone 11 (5 Halten)
Blankenberge, Zone 12 (5 Halten)
Zeebrugge, Zone 13 (4 Halten)
Heist, Zone 14 (3 Halten)
Knokke, Zone 15 (2 Halten)

Betrib a Geschicht

De Kusttram ass dat lescht Stéck vun engem Iwwerlandreseau vun der SNCV, déi vum Enn vum 19. Joerhonnert un, parallel zum Eisebunnsnetz, en Tramsnetz opgebaut huet.

Den 8. August 1886 gouf d'Streck Oostende-Nieuwpoort fäerdeggestallt, 1890 gouf se am Norde bis Knokke verlängert.

1909 gouf domat ugefaangen, d'Streck z'elektrifizéieren, a vun 1913 u konnt déi ganz Streck mat elektreschem Material befuer ginn.

1914 huet de Betrib missen ënnerbrach ginn, well d'Westfront vum 1. Weltkrich d'Streck bei Nieuwpoort gedeelt huet.

Nom Krich gouf d'Streck am Süde bis un de Bord vun De Panne gefouert, den Deel bis op d'Eisebunnsgare am Zentrum vun De Panne koum awer eréischt 1998 bäi.

Am Zweete Weltkrich war déi ganz Côte als Deel vum Atlantikwall eng militäresch Spärzon, wat zivil Aktivitéiten op der Plage onméiglech gemaach huet.

An den 1970er Joren huet d'Demande dunn, net zulescht wéinst de wirtschaftleche Krisen an dem Sproochesträit, ofgeholl. Et ass am Duerchschnëtt 1 Tram d'Stonn an all Richtung gefuer.

An den 1980er Jore gouf eng nei Generatioun vu Material agefouert, déi sougenannten LRV (Light Rail Véhicule). Zesumme mat verbesserte Präisstrukturen hu si fir méi Clienten um Tram gesuergt.

An den 1990er Joren sinn d'Touristenzuele wärend de Summerméint explodéiert, an et gouf ugefaangen, méi Gefierer ze kafen. Déi, déi schonn am Asaz waren, kruten donieft e Mëtteldeel bäi.

Well den Tram fir déi ganz Streck 2 Stonnen an 23 Minutte brauch, dovun 2 Minutten Openthalt zu Oostende, gouf 2007-2015 en neie Service mat Trammen agefouert, déi nëmmen op de wichtegsten Halten halen. Déi sneltrams, hunn zu Oostende Verbindung mat dem InterCity A a Richtung Eupen. Wärend am Wanter d'Trammen am 20-Minuttentakt fueren, fiert am Summer deelweis all 10 Minutten en Tram fort.

D'Societéit De Lijn déi de Kusttram bedreift, bedreift och d'Tramme vun Antwerpen a Gent, dowéinst si schonn dacks am Summer Trammen aus deene Stied op der Kusttram gefuer, fir den akute Manktem u sou Material ze kompenséieren.