Kierch Esch-Lalleng
| ||||
|---|---|---|---|---|
| Uertschaft / Plaz | Esch-Lalleng | |||
| Par | Par Esch-Uelzecht Sainte-Famille | |||
| Dekanat | Süden-West | |||
| Numm / Patréiner | Maria Kinnigin | |||
| Konsekratioun | 1953 (21. Nov.) | |||
| Architekt(en) | Isidore Engler | |||
| Koordinaten | 49° 30’ 27’’ N 05° 59’ 19’’ O | |||
| Kierchen - Kapellen | ||||
D'Kierch zu Esch-Lalleng, ass eng kathoulesch Kierch déi zur Par Esch-Uelzecht Sainte-Famille an zu der Gemeng Esch-Uelzecht gehéiert.
.jpg)
D'Kierch, déi am November 1953 ageweit gouf, ass Maria, der Kinnigin vun der Welt geweit. D'Fest gëtt den 22. August gefeiert.
Se steet op der Kräizung vun der Lëtzebuerger Strooss (N4), dem Boulevard Grande-Duchesse Charlotte (N4C) an der Monnerecher Strooss (CR106).
Nieft der Kierch steet op der Westsäit (Monnerecher Strooss) e Weekräiz.
D'Gebai änneren
Et ass eng modern Kierch. An der Fassad iwwer dem Agank steet eng grouss Statu vun der Muttergottes als Kinnigin.
De Mosaik am Chouer ass vum Jean Barillet vu Paräis a stellt d'Kréinung vu Maria duerch d'Dräifaltegkeet duer. Ze gesi sinn och nach de Johannes den Evangelist an de Pius X. Den Dafsteen ass vum Emile Hulten, d'Fënstere vum Frantz Kinnen stellen Zeenen aus dem Liewe vun der Muttergottes duer.
Um Duxall steet eng Westenfelder-Uergel mat 15 Regëster, déi den 21. November 1987 ageweit gouf.
Klacken änneren
Am Kierchtuerm hänken dräi Klacken, déi an den Téin h', a' a fis lauden.
Literatur änneren
- Broschür 25 Joer Poar Lalleng, 25 Joar Kierchechouer, Aweihung vun der neier Uergel
Kuckt och änneren
Um Spaweck änneren
| Commons: Kierch Esch-Lalleng – Biller, Videoen oder Audiodateien |
