Jousefskierch Esch-Uelzecht

D'Jousefskierch vun Esch-Uelzecht ass eng kathoulesch Kierch déi zur Par Esch-Uelzecht Sainte-Famille an zu der Gemeng Esch-Uelzecht gehéiert.

Jousefskierch
Esch-Uelzecht

Escher Jousefskierch (2005)

Uertschaft / Plaz

Esch-Uelzecht

Par

Esch-Uelzecht
Sainte-Famille

Dekanat

Süden-West

Numm / Patréiner

Hl. Jousef

Konsekratioun

1877

Architekt(en)

Charles Arendt

Baujoer

1873-1877

Koordinaten

49° 29’ 52.3’’ N
05° 58’ 58.0’’ O

Kierchen - Kapellen

De Patréiner vun der Kierch ass den hellege Jousef, deem säi Fest den 19. Mäerz gefeiert gëtt.

D'Kierch steet am Quartier Al Esch op engem Terrain dee vun der rue de l'Église, der rue Saint-Joseph, der rue des Remparts an der rue Jean-Origer ëmginn ass. Den Haaptagank vun der Kierch ass an der rue de l'Église.

Geschicht änneren

Déi neogotesch Kierch gouf tëscht 1873 an 1877 gebaut. D'Pläng ware vum Charles Arendt, deen de Concours gewonnen hat, dee vun der Gemeng ausgeschriwwe gi war. De 14. Mee 1877 gouf se vum Bëschof Nicolas Adames geweit.

D'Bannenariichtung ass vun 1881 u vum Architekt Alphonse-Pierre Kemp weidergefouert ginn.

Si gouf 1997 op der Lëscht vun de klasséierte Monumenter als Nationalmonument klasséiert.^[1]

Héichaltor änneren

Den Héichaltor hannen am Chouer staamt aus dem Atelier Koch vun Tréier, op him stinn eng Statu vun der Tréischterin am Leed, driwwer den hl. Jousef a riets a lénks dovun d'Apostele Péitrus a Paulus. De rietse Säitenaltor weist déi hl. Famill, op dem lénkse steet eng Pietà. Déi gemoolte faarweg Fënstere sinn aus der Franz Mayer'schen Hofkunstanstalt a weise virun allem Zeenen aus dem Liewe vun der hl. Famill.

Wandmolereien änneren

Déi figurativ Molereien op de Wänn si vum J. Schneider vu Köln a goufen 1908 fäerdeg. 1960 gouf driwwer ugestrach a bei der leschter Restauréierung, déi 2002 ofgeschloss war, goufe se nees fräigeluecht. Si weisen op de Wänn vum Mëttelschëff Medaillone mat Hellegen an am Chouer Zeenen aus der Bibel déi a Relatioun mat der Eucharistie sinn.

Fënsterrous änneren

Déi ornamental Fënsterrous um Duxall vun 1964 hanner der Uergel ass vum Gustave Zanter.

Uergel änneren

D'Jousefskierch krut 1885 hir éischt Uergel vun der Firma Stahlhuth vun Oochen. Den 3. Juli 1932 gouf déi zweet Uergel ageweit, déi vun der Uergelmanufaktur Georg Haupt gebaut gouf. Dës Uergel gouf 1964 komplett ëmgebaut, awer net zum Besseren, soudatt 1977 eng nei Uergel vun der Firma Westenfelder vu Lëntgen agebaut gouf, déi haut nach hiren Déngscht mécht. Hir Dispositioun ass di follgend:

I Réckpostiv C–c⁴
1.	Suavial	8′
2.	Gedackt	8′
3.	Principal	4′
4.	Rohrpommer	4′
5.	Nasat	2 2/3′
6.	Octav	2′
7.	Terz	1 3/5′
8.	Quinte	1 1/3′
9.	Oktävlein	1'
10.	Scharf IV	1'
11.	Rankett	16'
12.	Krummhorn	8'
13.	Schalmey	4'
	Tremulant

II Haaptwierk C–c⁴
14.	Gedackt	16′
15.	Principal	8′
16.	Rohrgedeckt	8′
17.	Holzflöte	8′
18.	Prestant	4'
19.	Koppelflöte	4′
20.	Quinte	5 1/3'
21.	Terz	3 1/5′
22.	Sesquialter	2fach
23.	Oktave	2'
24.	Mixtur V	2'
25.	Cimbel III	2/3′
26.	Trompete	8′
27.	Clairon	4′
	Tremulant

III Schwellwierk C–c⁴
28.	Quintade	16′
29.	Gambe	8′
30.	Grobgedackt	8′
31.	Traversflöte	8′
32.	Schwebung	8′
33.	Principal	4'
34.	Blockflöte	4'
35.	Rohrnasat	2 2/3′
36.	Nachthorn	2'
37.	Terz	1 3/5'
38.	Septime	1 1/7'
39.	Rauchmixtur IV	2'
40.	Terzcymbel	2/3′
41.	Trompete	8'
42.	Clairon	4'
43.	Oboe	8'
44.	Vox Humana	8′
	Tremulant

IV Bombardewierk C–c⁴
45.	Trompete	16′
46.	Spanische Trompete	8′
47.	Spanische Trompete	4′
48.	Cornett	V
	Tremulant

Pedall C–g¹
49.	Principal	16′
50.	Subbass	16′
51.	Baßzink II	10 2/3' + 6 2/5'
52.	Oktave	8'
53.	Gemshorn	8′
54.	Bordun	8′
55.	Flöte	4'
56.	Rohrpfeife	2'
57.	Hintersatz V	4′
58.	Bombarde	16'
59.	Trompete	8'
60.	Clairon	4'
	Tremulant

Koppelen:
- I/II, III/I, III/II, IV/II, I/P, II/P, III/P, IV/P.
Spillhëllefen:
- 4000 digital Setzerkombinatiounen, 6 fest Kombinatiounen, Regësterschweller, Jalousieschweller III, Zongenofsteller eenzel a generell, Mixturofsteller, Koppelofsteller
Traktur:
- Mechanesch Spilltraktur
- Elektresch Regëstertraktur

Klacken änneren

D'Klacke vun der Jousefskierch lauden an der Dispositioun fa dièse mi re an do, och fis' e' d' c0 genannt.

Gediechtneskapell fir d'Affer vum 2. Weltkrich änneren

Am November 1947 gouf eng nei Säitekapell ageweit, fir den Affer vum Zweete Weltkrich aus der Par ze gedenken.

Kuriositéiten änneren

Un der Fassad vum Säiteschëff a westlecher Richtung steet de Schrëftzuch: EGO SUM RESURRECTIO ET VITA (Ech sinn d'Opersteiung an d'Liewen). Dorënner fënnt een de Lëtzebuerger Léiw an d'Muttergottes mam Jesuskand, béides a Wopeform duergestallt.

Literatur änneren

Schnell Kunstführer Nr. 2517 (Michel Schmitt): Pfarr- und Dekanatskirche St. Joseph Esch-sur-Alzette, 1. Oplo, 2002, St. Paulus Druckerei, 24 S., ISBN 3-7954-6430-7

Kuckt och änneren

Aner Kierchen zu Esch-Uelzecht:
Lëscht vu reliéise Gebaier zu Lëtzebuerg
Lëscht vun de Lëtzebuerger Paren
Lëscht vun den nationale Monumenter an der Gemeng Esch-Uelzecht

Um Spaweck änneren

Commons: Jousefskierch Esch-Uelzecht – Biller, Videoen oder Audiodateien

Referenzen änneren

↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).

[1] Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).

[1]