Kierch Belval-Metzerlach

(Virugeleet vu(n) Kierch Bel Val-Metzerlach)
Kierch vu
Belval-Metzerlach
Tuerm vun der Parkierch vu Belval-Metzerlach (2005)
Tuerm vun der Parkierch vu Belval-Metzerlach (2005)
Uertschaft / Plaz Bieles
Belval-Metzerlach
Par Par Suessem
Christ Sauveur
Dekanat Süden-West
Numm / Patréiner Operstéiung Christi
Konsekratioun 1971
Architekt(en) Hermann Baur (Konzeptioun)
Robert Leer (Bau)
Koordinaten 49° 30’ 49.9’’ N
05° 56’ 26.6’’ O
Kierchen - Kapellen
Déi lénks Kierchendier

D'Kierch vu Belval-Metzerlach ass eng kathoulesch Kierch déi zur Par Suessem Christ Sauveur, zum Dekanat Süden-West an zu der Gemeng Suessem gehéiert.

D'Kierch ass der Operstéiung Christi geweit.

Si steet um Eck vun der rue Aloyse Meyer an der rue Sigefroi.

GeschichtÄnneren

D'Par Belval-Metzerlach gouf 1959 als bëscheeflech Par gegrënnt an ass domat déi jéngst vun de fënnef Pare vum Parverband Suessem. Den éischte Paschtouer war vun 1959 bis 1974 de René Fisch.

D'Operstéiungskierch vu Belval-Metzerlach ass no de Pläng vum Schwäizer Architekt Hermann Baur (1894-1980) gebaut ginn. De Lëtzebuerger Architekt Robert Leer war fir de Bau zoustänneg. D'Baugenehmegung steet am Zesummenhang mam Amarsch vun den Truppe vum Warschauer Pakt an d'Stad Prag wärend der Zäit vum sougenannte Prager Freijoer am August 1968. Doropshin hunn all Lëtzebuerger Sozialisten all Gemengekoalitioune mat de Kommunisten gekënnegt. De Bau vun der Kierch war bis dohin um Veto vum KPL-Vertrieder am Schäfferot gescheitert. An der éischter Gemengerotssëtzung am Januar 1969 gouf dunn, ënnert enger LSAP-CSV-Koalitioun de Bau genehmegt[1].

Fir de Bau vun der Kierch ze finanzéiere war an den 1960er Joren e Kierchebauveräin gegrënnt ginn. Doduerch konnten zirka 51 % vun de 14,315 Millioune Frang fir den Terrain an de Bau vu Privatleit a vu Betriber opbruecht ginn. 42 % goufe vum Staat finanzéiert an de Rescht vun der Gemeng Suessem.[2]

D'Kierch gouf de 4. Juli 1971 vum Bëschof Jean Hengen geweit. Et ass eng vun de wéinege Kierchen am Land bei deenen de Klackentuerm separat vun der Kierch steet.

Déi meescht Géigestänn bannen an der Kierch stame vum Tessiner Kënschtler Pierino Selmoni:

Un der kënschtlerescher Ausstattung war och de Baseler Kënschtler HH. Hauert bedeelegt. De Wandteppech hanner dem Altor ass vum Jean Zanter a senger Fra. De Bronzerelief deen den operstanene Christus weist ass vum däitsche Kënschtler Elmar Hillebrand. D'Fënstere sinn vum J. Zanter entworf an d'Westenfelder-Uergel ass aus der Lëntgener Uergelfabréck. Belval-Metzerlacher Porkierch huet 5 Klacken an den Schlagtéin fa mib do dièse la an sol laufen oder och genannt f‘‘ es‘‘ des‘‘ b‘ as‘

LiteraturÄnneren

  • Michel Schmitt, Die Auferstehungskirche in Bel Val-Metzerlach und ihre liturgisch-künstlerische Ausstattung, Die Warte vum 7. Okt. 1971

Kuckt ochÄnneren

Um SpaweckÄnneren

Commons: Kierch Belval-Metzerlach – Biller, Videoen oder Audiodateien

ReferenzenÄnneren

  1. Gegründet nach dem Einmarsch der Sowjetpanzer, Luxemburger Wort 30. 12. 2016, S. 18
  2. Nicolas Anen: Laizistisches Zentrum statt Kirche? - Kirchenfabrik Belval-Metzerlach wehrt sich gegen Pläne des Sassenheimer Schöffenrates am Luxemburger Wort vum 30. Dezember 2016