Ilja Efimowitsch Repin

Den Ilja Jefimowitsch Repin (Russesch: Илья́ Ефи́мович Ре́пин), gebuer de 24. Juli^jul./ 5. August 1844^greg. zu Tschugujiw, am Gouvernement Charkow, a gestuerwen den 29. September 1930 zu Kuokkala, dunn a Finnland, haut Repino am Oblast Leningrad, war e russesche Moler.

Ilja Efimowitsch Repin
Gebuer	24. Juli 1844 jul.
Gestuerwen	29. September 1930
Nationalitéit	Russescht Keeserräich, apatride
Aktivitéit	Moler, Sculpteur, Essayist, Graphiker, Enseignant
Member vun	Serbesch Wëssenschafts- a Konschtakademie

Hie gëllt als de bedeitendste Vertrieder vum russesche Realismus.

Wierk

Bekannt si seng Biller, an deenen en d'Liewe vum ukraineschen an dem russesch Vollek moolt a sozial Mëssstänn uprangert (kuckt z. B. säi wuel bekanntst Bild Hallefer op der Wolga). Do dernieft huet hien historesch Evenementer an Zeen gesat a Portraite vu bekannte Leit gemoolt (z. B. dem Michail Glinka, dem Modest Mussorgski, dem Dimitri Mendelejew oder dem Iwan Turgenew).

Hie war spéiderhin e Virbild fir de sowjetesche sozialistesche Realismus, deen awer net un d'Maîtrise vum Repin erukoum.

Biller (Auswiel)

• 
  Den Iwan de Schrecklechen, 1870–1873, Tretjakow-Galerie
• 
  Hallefer op der Wolga , 1870–1873, Russesche Musée
• 
  Sadko am Kinnekräich ënner Waasser, 1876, Russesche Musée
• 
  Summerlandschaft − D'Vera Repina op enger Bréck zu Abramzewo, 1879, Puschkin-Musée
• 
  D'Kosake vu Saporojje schreiwen dem tierkische Sultan e Bréif, 1880–1891, Russesche Musée
• 
  Den Dmitri Iwanowitsch Mendelejew, 1885, Tretjakow-Galerie
• 
  Wat fir eng Fräiheet!, 1903, Russesche Musée
• 
  De Modest Mussorgsky, 1881, Tretjakow-Galerie
• 
  E Judd am Gaang ze bieden, 1875, Tretjakow-Galerie
• 
  Onerwaart Erëmkommen, 1884–1888, Tretjakow-Galerie
• 
  Den Alexander Sergejewitsch Puschkin dréit dem Gawriil Romanowitsch Derschawin säi Gedicht vir, 1911, Puschkin-Musée

Soss

Den Asteroid (2468) Repin gouf 1988 no him genannt.

Literatur

• Maria Karpenko, Elena Kirillina (Hrsg.): Ilja Repin, Malerei, Graphik. Brücken-Verlag, Düsseldorf u. a. 1985, ISBN 3-87106-150-6.
• Angelika Wesenberg, Nicole Hartje, Anne-Marie Werner (Hrsg.): Auf der Suche nach Russland. Der Maler Ilja Repin. Nicolai, Berlin 2003, ISBN 3-89479-092-X.

Um Spaweck

Commons: Ilja Jefimowitsch Repin – Biller, Videoen oder Audiodateien