Heemwéi

Heemwéi ass e Film vun der lëtzebuergescher Artisteplattform Feierblumm Productions, ënner der Regie vum Sacha Bachim, deen och d'Dréibuch matgeschriwwen huet. En hat den 28. Januar 2014 Avant-première am Utopolis. Säin Ënnertitel ass Eng Odyssee.

Heemwéi

Film
Produktiounsland	Lëtzebuerg
Produktiounsjoer	2014
Première	2014
Originalsprooch	Lëtzebuergesch
Ekipp
Regie	Sacha Bachim
Dréibuch	Steve Hoegener Sacha Bachim
Fotografie	Olivier Koos
Musek	Daniel Balthasar
Produzent	Feierblumm Productions
Schauspiller
Steve Hoegener Luc Lamesch Laurence Streitz Michel Tereba Nilton Martins Marc Sascha Migge Maximilian Stangl Janine Horsburgh Henri-Pierre Plais Carole Nourry Pitt Simon
Filmportal - Filmer no Joren - Film no Länner - Film no Genre

Ëm wat geet et am Film?

Summer 1944: Zwéi jonk Lëtzebuerger, de Jos an de Fränz, sinn als Wehrmachtszaldoten am Nordoste vu Frankräich stationéiert. D'Amerikanesch Arméi réckelt schëtzeg vir, an déi zwéin iwwerleeën, ze desertéieren. Ma de Fränz (Luc Lamesch) hat sech fräiwëlleg gemellt, de Jos (Steve Hoegener) war zwanksrekrutéiert ginn...

Soss

De Film hat e Produktiounsbudget vu just ronn 25.000 Euro an ass vu ronn 10.300 Leit am Kino gesi ginn. Et huet 5 Joer gedauert, ier e fäerdeg gedréint war, well déi meescht Mataarbechter Benevoller waren, déi nëmmen an hirer Fräizäit matmaache konnten.

Déi Zeen an där den Tiger II ze gesinn ass gouf op der Plaz vum Musée Décembre 1944' zu La Gleize gedréint. Dee Panzer ass do nach ëmmer ze gesinn.

Auszeechnungen

• Best Feature - Erie International Film Festival 2014
• Best Fiction Feature Audience Award - Red Rock Film Festival 2014 (Cedar City; Utah)
• Best Narrative Feature - Great Lakes International Film Festival 2014 (Erie; Pennsylvania)

Kuckt och

• Lëscht vu lëtzebuergesche Filmer
• Heemecht

Literatur

• Artuso, Vincent: Apocalypse elo. In: woxx (10.02.2014).
• De Rocco, Magali: Heemwéi. Ein Film des Künstlerkollektives Feierblumm. In: FORUM für Politik, Gesellschaft und Kultur, Nr. 338 (März 2014), S. 61-63.
• Hoegener, Steve: Dossier pédagogique: Heemwéi. Eng Odyssee. Un film de Sacha Bachim. MEN: 2015.

Um Spaweck

• Heemwéi offiziell Websäit
• Feierblumm Productions a.s.b.l.
• Bäitrag vum Saarländischer Rundfunk 2 (SR2) iwwer d'Projektioun vum Film zu Saarbrécken
• Interview mamm Historiker Steve Kayser op Radio 100,7 Kultur am Gespréich
• Filmkritik op dem Blog Zinnemaskritik (7.2.2014)
• Den Trailer op youtube.com