Habay

Habay (lb.: Habech) ass eng Gemeng an der belscher Provënz Lëtzebuerg. De Chef-lieu ass Habay-la-Neuve.

Habay
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Virton
Awunner	8.387 (1. Januar 2018)
Fläch	10 364
Koordinaten	49° 43’ 00’’ N       05° 39’ 00’’ O
Telefonszon	063
Postcode	6720
Websäit	https://www.habay.be

Sektiounen

D'Gemeng Habay ass bei der belscher Gemengereform vun 1977, duerch Fusioun vun de fréiere Gemengen Anlier, Habay-la-Neuve, Habay-la-Vieille, Hachy (lb:Häerzeg), Houdemont a Rulles entstanen. Déi fréier Gemenge bilden déi haiteg Sektiounen.

Aner Uertschaften an der Gemeng sinn: Harinsart, Orsinfaing, a Marbehan.

Geschicht

Habay gouf fir d'éischt 1267 ënner dem Numm Habbaye ernimmt. Den actuellen Territoire vun der Gemeng huet zur Herrschaft Bologne gehéiert. Vum Sëtz vun den Häre vu Bologne ass näischt méi erhalen, just de Bësch Bois de Bologne am Norweste vun Habich erënnert nach dorun.

Wopen

Als Wope féiert d'Gemeng dee vun der fréierer Gemeng Habay-la-Neuve.

Beschreiwung am Originaltext: D'or à un chêne terrassé au naturel, englanté d'or, adextré d'un demi sanglier de sable, mouvant du fût. L'écu sommé d'une couronne à cinq fleurons et supporté par deux lions d'or, armés et lampassés de gueules.

Iwwer de Wope gouf de 15. Mäerz 1958 am Gemengerot ofgestëmmt. Den Arrêté royal ass vum 24. Mee 1960, an d'Publikatioun war de 6. Februar 1962 am Moniteur belge.

De Wopen entstprécht deem vun der Famill De Bost-Moulin, Maarkgrofe vum Pont-d'Oye déi tëscht 1742 a 1786 Hären zu Habich waren, an deenen och e puer Schmelzen an der Géigend gehéiert hunn. De Bam an d'Wëllschwäi stellen déi grouss Bëscher an der Géigend duer, déi besonnesch duerch den Habichter-Wald mat senger Hirschbrunft bekannt sinn.

Um Spaweck

Commons: Habay – Biller, Videoen oder Audiodateien

Offiziell Websäit vun der Gemeng

D'Schlass vum Pont d'Oye.

Habay am Fréijoer