Gare Däitsch-Oth

Gare Däitsch-Oth
	En Zuch an der Gare vun Däitsch-Oth am Juni 2011
ass eng	Gare
Status	am Gebrauch
opgaang	1880
Lag vun der Statioun
Land	Frankräich
Gemeng	Däitsch-Oth
Koordinaten	49°28'43,039"N, 5°57'31,417"O
Héicht i. M.	301 m
Reseau
Statiounscode	Au
Bedreiwer	CFL
Reseau	CFL-Zuchreseau
Linn(en)	Eisebunnsstreck Esch-Uelzecht-Däitsch-Oth
P.K.	12,100 km
Gleiser	1
Gleiser mat Quai	1
Nopeschstatioun(en)	Gare Esch-Uelzecht
Websäit	https://www.cfl.lu/fr-FR/network/station/Gare-de-Audun-le-Tiche
	Lag vun der Gare Däitsch-Oth

D'Gare vun Däitsch-Oth ass eng Kappgare vun der Lëtzebuerger Eisebunn, zu Däitsch-Oth ((fr) Audun-le-Tiche) am Departement Moselle a Frankräich.

Se läit tëscht der Liaison Micheville (D326) am Westen an der Rue Napoléon 1^er (D16) am Osten, ronn 1 km. hannert der Lëtzebuerger Grenz. D'Gare Däitsch-Oth ass den Terminus vun der Niewelinn Esch-Uelzecht - Däitsch-Oth vun der Linn Lëtzebuerg - Esch-Uelzecht - Rodange vum CFL-Zuchreseau. Déi Gare virdrun ass Esch-Uelzecht.

Bei der Gare ass e Park & Rail-Parking mat 107 Plazen an zwou spezielle Parkplaze fir Leit mat reduzéierter Mobilitéit. D'Gare ass op der Halt Audun-le-Tiche, Gare un den RGTR-Reseau (Linne 602, 603 a 604) ugebonnen.

Geschicht

D'Gare vun Däitsch-Oth goung den 1. Abrëll 1880 op, wéi d'Streck vun Esch-Uelzecht op Däitsch-Oth an déi vun Däitsch-Oth op Réideng opgemaach goufen. Dat ursprénglecht Gebai vun der Gare war uganks haaptsächlech op de Wuerentransport ausgeluecht.

D'Offer an der Gare gouf vum 11. Mäerz 1904 u verstäerkt, wéi d'Streck vu Fensch bis op Däitsch-Oth verlängert gouf. Vun 1901 un – a bis d'Bréck vun Däitsch-Oth gebaut war – ass d'Streck just bis op d'Héicht vun der Stad gaangen, den Terminus war dunn an der Gare Audun-le-Tiche-Mont.

Well dat aalt Gebai vun der Gare net adequat war fir Passagéierservicer unzebidden, gouf 1910 en neit Gebai gebaut. Et war e richtegt Voyageursgebai mat allen néidegen Equipementer, dorënner Waardesäll, engem Guichet an enger Schlofplaz fir d'Maschinisten.

Virum respektiv nom Krich goufen déi franséisch Linnen noeneen zougemaach:

15. Mee 1937: Voyageurstrafick op der Streck iwwer Réideng op Héiseng-Guebereng,
1948: Voyageurstrafick fir op Fensch,
uganks vun den 1990er Joren: Giddertrafick op Fensch,
19. Oktober 1967: Giddertrafick op Réideng an Héiseng-Guebereng.

Nodeem uganks vun den 1990er Joren och de leschte franséischen Uschloss zougemaach gouf, hat d'Gare just nach eng Verbindung mam lëtzebuergesche Reseau. D'Streck fir op Lëtzebuerg gouf doropshin 1992 an d'Rei gesat a moderniséiert, awer just nach eegleiseg amenagéiert.

Tarifikatioun

Obwuel d'Gare vun Däitsch-Oth net um Lëtzebuerger Territoire läit, zielt d'Gratuitéit do trotzdeem, well se als "Gare assimilée" zum CFL-Reseau gehéiert.

Zich déi an der Gare halen

^{(Stand: Abrëll 2025)}

Linn Esch-Uelzecht ↔ Däitsch-Oth

Aller

Aus Richtung	Halt virdrun	Zuch			Nächst Halt	A Richtung
Esch-Uelzecht	Esch-Uelzecht		RB		Terminus	Däitsch-Oth

Retour

Aus Richtung	Halt virdrun	Zuch			Nächst Halt	A Richtung
Däitsch-Oth	Terminus		RB		Esch-Uelzecht	Esch-Uelzecht

Zukunftspläng

Am Kader vum Projet „Minettstram op Pneuen“ kéint d'Zuchverbindung Däitsch-Oth - Esch fir zerguttst zougemaach a mat enger séierer Busverbindung op der Assise vun der Eisebunnsstreck (corridor à haut niveau de service (CHNS)) ersat ginn^[1]^[2]^[3].

Kuckt och

Um Spaweck

Commons: Gare Däitsch-Oth – Biller, Videoen oder Audiodateien

Referenzen an Notten

↑ (fr)Patrick Jacquemot, Le bus préféré au rail entre Esch et Audun. wort.lu (05.11.2020) Archivéiert de(n) 13.03.2023. Gekuckt de(n) 20.04.2025.
↑ Pourquoi parle-t-on de « CHNS pour bus » et no plus de « BHNS »?. Nationale Mobilitéitsplang (PNM 2035, plan national de mobilité) vum Ministère de la Mobilité et des Travaux publics S. 63. MMTP (2022). Gekuckt de(n) 20.04.2025.
↑ idem, « CHNS du secteur Esch & Belval », S. 65

Quelle vum Artikel Geschicht, wou net anescht uginn: Artikelen Gare d'Audun-le-Tiche, Ligne de Fontoy à Audun-le-Tiche an Ligne d'Audun-le-Tiche à Hussigny-Godbrange op der franséischer Wikipedia an der Versioun vum 20.04.2025

[1] (fr)Patrick Jacquemot, Le bus préféré au rail entre Esch et Audun. wort.lu (05.11.2020) Archivéiert de(n) 13.03.2023. Gekuckt de(n) 20.04.2025.

[2] Pourquoi parle-t-on de « CHNS pour bus » et no plus de « BHNS »?. Nationale Mobilitéitsplang (PNM 2035, plan national de mobilité) vum Ministère de la Mobilité et des Travaux publics S. 63. MMTP (2022). Gekuckt de(n) 20.04.2025.

[3] , « CHNS du secteur Esch & Belval », S. 65

[1]

[2]

[3]